PHOTO: गुलाब पाणी; चेहरा तेजस्वी दिसण्यासाठी उत्तम

ROSE WATER तजेलदार आणि आकर्षक दिसण्यासाठी गुलाब पाणी रोज लावावे

ROSE WATER

गुलाबपाणी त्वचेला नैसर्गिकरित्या पोषण मिळते. गुलाब पाण्यामुळे चेहरा चमकदार होतो आणि टॅनिंगची समस्या देखील दूर करते. जाणून घेऊयात चेहऱ्यावर गुलाबपाणी लावण्याचे फायदे.

त्वचेला थंडावा मिळतो : वातावरणातील बदलांमुळे त्वचेवर अनेक प्रकारच्या समस्या निर्माण होतात. अशा वेळी गुलाबपाणी लावल्याने गारवा तर मिळतोच पण पोषणही मिळते. त्यामुळे त्वचेची पीएच पातळी कायम राहते आणि त्वचा निरोगी राहते. गुलाबपाणी त्वचेला आतून थंड करते.

त्वचेमध्ये ओलावा टिकवून ठेवणे : त्वचेवर गुलाबपाणी लावल्याने त्वचा हायड्रेट राहते आणि त्वचेला पोषणही मिळते. गुलाबपाणी लावल्याने त्वचेची जळजळही सहज दूर होते. चेहऱ्यावर गुलाबपाणी लावण्यासाठी ते कॉटन किंवा स्प्रे बाटलीच्या मदतीने चेहऱ्यावर लावता येते.

टॅनिंगपासून मुक्त व्हा : त्वचेची टॅनिंग अर्थातच काही भाग काळा पडणे, ही एक सामान्य समस्या आहे. अशा परिस्थितीत गुलाबपाणी लावल्याने त्वचेच्या टॅनिंगपासून आराम मिळतो आणि त्वचा चमकदार होते. गुलाबपाणी लावल्याने त्वचा मॉइश्चराइज होते.

सौंदर्य खुलविण्यासाठी उपयोगी : चेहऱ्यावरील तेलकटपणा गुलाब पाणी लावल्याने कमी होतो. मुरूम कमी करण्यास मदत करते. मृत त्वचा निघून जाते आणि चेहरा स्वच्छ राहतो.

रात्री झोपताना लावा : त्वचा तजेलदार आणि आकर्षक दिसण्यासाठी गुलाब पाणी रोज रात्री झोपताना लावावे, झोपण्या अगोदर चेहरा पाण्याने स्वच्छ धुऊन नंतर गुलाब पाणी कापसाच्या मदतीने चेहऱ्यावर लावणे मदतीचे ठरते.

असे वापरा गुलाबपाणी : गुलाब पाणी केव्हा लावावे हे ही महत्वाचे आहे.

अंघोळी नंतर : सकाळी अंघोळ झाल्यानंतर देखील गुलाब पाणी चेहऱ्यावर लावावे. असे केल्याने दिवसभर फ्रेश राहाल आणि गुलाब पाण्याचा सुगंध तुमचा मूड चांगला ठेवण्यास मदत करेल.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.