Maharashtra Exit Poll 2024 | तावडेंचा गेम फडणवीसांनी केला? Exit Poll वर सुषमा अंधारेंच प्रतिक्रिया

Maharashtra Exit Poll 2024 | तावडेंचा गेम फडणवीसांनी केला? Exit Poll वर सुषमा अंधारेंच प्रतिक्रिया

विनोद तावडे यांचा एक व्हिडीओ सोशल मीडियावर व्हायरल झाला आणि त्यानंतर बविआने त्यांच्यावर पैसे वाटप केल्या आरोप केला आहे. विरारच्या विवांता हॉटेलमध्ये चार तास हा राडा सुरु होता. यानंतर त्या ठिकाणचे बविआचे उमेदवार क्षितिज ठाकूर ( Kshitij Thakur ) यांनी विनोद तावडेंवर गंभीर आरोप केले आहेत. तसंच एका संघाच्या ज्येष्ठ व्यक्तीने आपल्याला फोन करुन माहिती दिली होती असंही सांगितलं आहे.

नेमकी काय घटना घडली?

विरार पूर्वेच्या मनवेलपाडा येथील विवांता हॉटेलमध्ये भाजपाचे राष्ट्रीय सचिव विनोद तावडे ( Vinod Tawde ) आले होते. ते हॉटेलमध्ये महिलांना पैसे वाटप करत असल्याचा आरोप बहुजन विकास आघाडीने केला. ही गोष्ट सर्वत्र पसरली आणि कार्यकर्ते हॉटेलमध्ये जमू लागले. बविआचे कार्यकर्ते हॉटेलमध्ये शिरले आणि वादावादी सुरू झाली. काही वेळातच आमदार क्षितीज ठाकूर देखील हॉटेलमध्ये आले आणि त्यांनी हॉटेलमध्ये सापडलेली पैशांची पाकिटे तावडे ( Vinod Tawde ) यांना दाखवली. यावेळी भाजप आणि बविआ कार्यकर्ते आपापसात भिडले. तणाव वाढल्याने पोलीस घटनास्थळी पोहोचले आणि अधिक कुमक मागवली. सध्या पोलिसांनी हॉटेल सिल केले. यावेळी दोन्ही पक्षाच्या कार्यकर्त्यांची मोठी गर्दी जमली होती. तसंच राडाही झाला होता. आता क्षितिज ठाकूर ( Kshitij Thakur ) यांनी गंभीर आरोप केले आहेत.