Evening Skin Care Routine : दिवसभराच्या थकव्याने चेहरा निस्तेज दिसतोय? वापरा 'या' सोप्या टिप्स!

Evening Skin Care Routine : ऊन, धूळ आणि प्रदूषणामुळे तुमचा देखील चेहरा डळ दिसतोय? तर काही सोपे घरच्या घरी उपाय जरूर वापरून पाहा.

Evening Skin Care Routine

दिवसभराच्या कामानंतर संध्याकाळी चेहरा थकलेला आणि निस्तेज दिसू लागतो. ऊन, धूळ आणि प्रदूषणामुळे चेहऱ्याचं नैसर्गिक तेज हरवतं. सकाळचा ग्लो संध्याकाळपर्यंत पूर्णपणे गायब होतो.

जर तुमच्यासोबतही असं होत असेल, तर काही सोपे घरगुती उपाय जरूर वापरून पाहा. सर्वात पहिलं, घरी आल्यानंतर चेहरा थंड पाण्याने धुवा. यामुळे चेहऱ्यावरचा घाम, धूळ आणि तेलकटपणा निघून जातो.

पाण्यात काही थेंब गुलाब पाणी किंवा काकडीचा रस मिसळल्यास ताजेतवानेपणा येतो. यामुळे चेहऱ्याला थंडावा मिळतो आणि थकवा कमी होतो.

स्किनला पोषण देण्यासाठी अलोहवेरा आणि मधाचा फेसपॅक लावा. अलोहवेरा जेल आणि मध समान प्रमाणात घेऊन मिसळा.

ते मिश्रण चेहऱ्यावर 15 ते 20 मिनिटं ठेवा आणि नंतर धुवा. यामुळे त्वचा हायड्रेट राहते आणि डलनेस दूर होते.

जर तुम्ही हा उपाय आठवड्यातून तीन वेळा केला तर तुमच्या त्वचेत फरक जाणवू शकतो.

संध्याकाळी चेहऱ्याची हलक्या हातांनी मसाज करा. मसाजसाठी नारळ तेल, बदाम तेल किंवा अलोहवेरा जेल वापरू शकता.

हाताच्या बोटांनी चेहऱ्यावर गोलाकार हालचालींमध्ये मसाज करा. यामुळे रक्तप्रवाह सुधारतो आणि त्वचेला तजेलपणा येतो.

झोपण्यापूर्वी CTM रूटीन म्हणजेच क्लींजिंग, टोनिंग आणि मॉइश्चरायझिंग करा. या रूटीनमुळे चेहऱ्यावरील घाण निघते, पोर्स टाइट होतात आणि त्वचा तजेलदार दिसते.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).