मराठमोळ्या रिलस्टारचं निधन; रूग्णालयातील VIDEO व्हायरल, मृत्यूमागचं नेमकं कारण काय?

Popular Reels Creator Prathamesh Kadam Passes Away: सोशल मीडिया इन्फ्लूएंसर प्रथमेश कदमचं अल्पशा आजाराने निधन. आईसोबतच्या व्हिडिओंमुळे तो प्रचंड लोकप्रिय झाला होता.

Reels Star Prathamesh Kadams Sudden Death Shocks Social Media

Popular Reels Creator Prathamesh Kadam Passes Away: सोशल मीडिया इन्फ्लूएंसर आणि कंटेट क्रिएटर प्रथमेश कदम याचं अल्पशा आजाराने निधन झाले. त्याच्या निधनाचे वृत्त समोर येताच सोशल मीडियावर शोक व्यक्त केला जात आहे. तो एक सुप्रसिद्ध रिलस्टार होता.

प्रथमेश कदमचे त्याच्या आईसोबतचे अनेक व्हिडिओ सोशल मीडियात व्हायरल झाले आहेत. प्रथमेशचा मित्र तन्मय पाटेकरने त्याच्या निधनाची माहिती दिली. त्याच्या निधनाची बातमी समोर येताच नेटकऱ्यांना धक्का बसला.

प्रथमेश कदमचा चाहतावर्ग खूप मोठा होता. त्याचे आईसोबतचे अनेक व्हिडिओ सोशल मीडियात व्हायरल व्हायचे. त्याची आई प्रज्ञा कदम देखील सोशल मीडियात तितकीच सक्रीय होती.

प्रथमेश आणि प्रज्ञा या मायलेकाच्या जोडीला प्रेक्षकांकडून भरभरून प्रतिसाद मिळत होता. प्रथमेशनं 5 जानेवारीला त्याच्या नव्या गाण्याचा व्हिडिओ पोस्ट केला होता.

त्याच्या गाण्याच्या व्हिडिओला प्रेक्षकांकडून भरभरून प्रतिसाद मिळाला होता. दरम्यान, अचानक त्याच्या निधनाची बातमी समोर आल्याने अनेकांना धक्का बसला.

काही दिवसांपासून प्रथमेश कदमवर रूग्णालयात उपचार सुरू होते. त्यानं रूग्णालयातही काही व्हिडिओ शूट करून पोस्ट केले होते.

गंभीर अवस्थेतही तो आपल्या चाहत्यांचे रिलद्वारे मनोरंजन करत होता. दरम्यान, त्याला नेमकं काय झालं होतं? त्याच्या मृत्यूचं नेमकं कारण काय? याची माहिती अद्याप समोर आलेली नाही.

दरम्यान, त्याच्या निधनानंतर सोशल मीडियावरील कंटेट क्रिएटरने त्याला श्रद्धांजली वाहिली आहे.