घरात मृतदेह आढळला अन् महाराष्ट्र हादरला; रिल स्टार अरुण तुपे नेमका कोण ? त्याला कसला त्रास होता?

Arun Tupe Instagram reels creator passes away: मराठी सोशल मीडिया इन्फ्लुएंसर अरुण तुपे याचं निधन. नेटकऱ्यांकडून श्रध्दांजली.

Marathi Influencer Arun Tupe

लोकप्रिय मराठी सोशल मीडिया इन्फ्लुएंसर अरुण तुपेचं निधन झालं आणि इंटरनेटवर अक्षरश:खळबळ उडाली. त्याचा मृतदेह छत्रपती संभाजी नगरमधील बालाजी नगर येथील राहत्या घरात आढळला.

प्रदमेश कदमच्या निधनानंतर अरुण तुपेच्या निधनाच्या वृत्तामुळे नेटकऱ्यांना धक्का बसला. त्याचा राहत्या घरात मृतदेह आढळल्यानंतर त्याला तातडीने रुग्णालयात उपचारासाठी दाखल करण्यात आले. मात्र, डॉक्टरांनी त्याला तपासून मृत घोषित केले.

मिळालेल्या माहितीनुसार, अरुण तुपेचा मृतदेह शवविच्छेदनासाठी घाटी येथील शासकीय वैद्यकीय रुग्णालयात पाठवण्यात आले आहे. शवविच्छेदन अहवाल समोर आल्यानंतर मृत्यूचं कारण स्पष्ट होईल.

'kon_aruntupe' या इन्स्टाग्राम हँडल अंतर्गत तो कंटेट तयार करत होता. त्याचे रिल्स सोशल मीडियात प्रचंड व्हायरल झाले होते. कॉमेडी तसेच सामाजिक संदेश देणारे व्हिडिओ तो तयार करुन शेअर करत होता. गंभीर विषय असणाऱ्या कंटेटला नेटकऱ्यांकडून भरभरुन प्रतिसाद मिळत होता.

अरुण तुपेचे इन्स्टाग्रामवर साधारण 185,000 फॉलोअर्स आहेत. तो आपल्या Collaborationsचेही व्हिडिओ शेअर करुन प्रॉडक्टबाबत माहिती देत होता.

तुपे याने मृत्यूच्या एक दिवस आधी एक व्हिडिओ शेअर केला होता. रिल शुटर नावाने त्याने व्हिडिओ शेअर केला होता. नेटकरी तसेच चाहत्यांनी त्याच्या पोस्टवर श्रध्दांजली वाहिली आहे.

मिळालेल्या माहितीनुसार, अरुणला अपस्मारचा (फिट) प्रचंड त्रास असल्याची माहिती आहे. त्याचा मृत्यू कशामुळे झाला? याची माहिती शवविच्छेदन अहवालातून समोर येईल.

अरुण तुपे हा आजच्या पिढीला कनेक्ट होणारे व्हिडिओ शेअर करत होता. तो आपल्या आईसोबतही व्हिडिओ शेअर करत होता. इन्स्टाग्रामवर माय लेकाची जोडी फेमस होती.