माधुरीचं ओटीटीवर पदार्पण; नव्या सीरिजची रिलीज डेट जाहीर

madhuri dixit

बॉलिवूडची 'धक-धक गर्ल' म्हणजेच अभिनेत्री माधुरी दीक्षित (Madhuri Dixit ) प्रेक्षकांचे नेहमी मनोरंजन करते.

तिच्या चित्रपटांना प्रेक्षकांची नेहमीच पसंती मिळते. तिचा चाहता वर्ग देखील मोठा आहे.

माधुरी आता लवकरच ओटीटीवर पदार्पण करणार आहे. माधुरीच्या नव्या सीरिजची रिलीज डेट जाहीर करण्यात आली आहे.

या सीरिजचं नाव 'द फेम गेम' (The Fame Game) असं आहे. या सीरिजची रिलीज डेट माधुरीनं सोशल मीडियावर एक पोस्ट शेअर करून जाहीर केली आहे.

माधुरीची 'द फेम गेम' ही सीरिज 25 फेब्रुवारी रोजी प्रदर्शित होणार आहे. या सीरिजमध्ये माधुरीसोबत संजय कपूर, मानव कौल, सुहासिनी मुले, लक्ष्यवीर सरन हे कलाकार प्रमुख भूमिका साकारणार आहेत.

माधुरीनं या सीरिजचे पोस्टर सोशल मीडियावर शेअर करत लिहिले, 'अनोळखी आहे तिचे जग, अनटोल्ड आहे तिची गोष्ट. ती आली आहे तिची गोष्ट जगासमोर घेऊन.' .

माधुरीनं शेअर केलेला पोस्टर पाहून प्रेक्षक ही सीरिज पाहण्यासाठी उत्सुक झाले आहेत. (all photo: madhuridixit/ig)