विकएंडला मनोरंजनाची पर्वणी, ओटीटीवर घ्या 'या' भन्नाट चित्रपटांचा आनंद

या आठवड्याच्या सुट्टीला तुम्ही घरीच चित्रपट आणि वेब सिरीजचा आनंद घेऊ शकता. या वेबसिरीज तसेच चित्रपट नेटफ्लिक्ल, अॅपल टिव्ही, हॉटस्टारवर बघू शकता.

मनोरंजनाची मेजवाणी.

'फिर आई हसीन दिलरुबा' या चित्रपटात अभिनेत्री तापसी पन्नू आणि अभिनेता विक्रांत मेसी हे प्रमुख भूमिकेत दिसणार आहेत. हा चित्रपट 9 ऑगस्ट रोजी नेटफ्लिक्सवर पाहू शकता.

'लाईफ हिल गई' हा चित्रपट बहीण- भावच्या नात्यावर आधारित आहे. हे दोघेही बहीण-भाऊ एकमेकांशी स्पर्धा करताना दिसतात. या चित्रपटाला हॉटस्टारवर पाहता येईल.

'घुडचढी' या चित्रपटात अभिनेता संजय दत्त, रवीना टंडन, पार्थ समथान, खुशाली कुमार आणि अरुणा ईरानी हे दिग्गज अभिनेते तसेच अभिनेत्र्या आहेत. घुडचढी या चित्रपटात दोन पिढ्यांची प्रेमकथा दाखवली आहे. हा चित्रपट जियो सिनेमावर प्रदर्शित होणार आहे.

'द इंस्टिगेटर्स' या चित्रपटाची कथा एका अयशस्वी दरोड्या भोवती फिरताना दिसत आहे. या चित्रपटात दोन चोर स्व:चा जीव वाचवण्यासाठी जीवाचे रान करतात. स्वत:ला वाचवण्यासाठी एका डॉक्टरलाही स्वत:च्या जाळ्यात ओढतात. हा चित्रपट अॅपल टिव्हीवर बघू शकता.

'टर्बो' या चित्रपटाची कथा एका गाडी चालकाच्या आजूबाजूला फिरताना दिसते. हा चित्रपट सोनीलिव्हवर बघू शकता.

‘ग्यारह-ग्यारह’ या चित्रपटाची कथा दोन पोलीस अधिकाऱ्यांवर बेतलेली आहे. ही वेब सीरिज ZEE5 वर प्रदर्शित होत आहे.