सिनेमा लवर्स डे निमित्त राजकुमार राव आणि जान्हवी कपूरच्या चाहत्यांसाठी एक खास ऑफर!

सिनेमा लव्हर्स डे दिवशी राजकुमार राव आणि जान्हवी कपूरचे चाहते त्यांचा 'मिस्टर अँड मिसेस माही' हा चित्रपट फक्त 99 रुपयांमध्ये पाहू शकतील.

(pc:janhvikapoor/ig)

राजकुमार राव (Rajkumar Rao) आणि जान्हवी कपूर (Janhvi Kapoor) यांचा 'मिस्टर अँड मिसेस माही' (Mr & Mrs Mahi) काही दिवसांतच प्रेक्षकांच्या भेटीला येणार आहे.

तसेच या चित्रपटाबाबत चाहत्यांमध्ये प्रचंड उत्सुकता देखील आहे. हा चित्रपट 31 मे 2024 रोजी सिनेमागृहात दाखल होणार आहे.

पण त्याआधी चाहत्यांसाठी एक मोठी आनंदाची बातमी समोर आली आहे. खरंतर 31 मे हा सिनेमा लव्हर्स डे म्हणून साजरा केला जातो. त्यादिवशी तुम्ही अगदी स्वस्त दरात मिस्टर अँड मिसेस माही हा सिनेमा पाहू शकता.

सिनेमा लव्हर्स डे दिवशी राजकुमार राव आणि जान्हवी कपूरचे चाहते त्यांचा 'मिस्टर अँड मिसेस माही' हा चित्रपट फक्त 99 रुपयांमध्ये पाहू शकतील. ही माहिती चित्रपटाच्या प्रोडक्शन हाऊस धर्मा प्रोडक्शनने आपल्या इंस्टाग्राम अकाउंटवर शेअर केली आहे.

'मिस्टर अँड मिसेस माही'चा एक मिक्सअप व्हिडिओ शेअर करताना, प्रॉडक्शन हाऊसने म्हटले आहे की, सिनेमा लव्हर्स डे दिवशी तुम्ही 'मिस्टर अँड मिसेस माही'ची तिकिटे फक्त 99 रुपयांमध्ये खरेदी करू शकता.

2022 पासून, मल्टिप्लेक्स आणि भारतातील बहुतेक सिंगल-स्क्रीन थिएटर ठराविक वेळी सिनेमा लव्हर्स डे साजरा करतात. सप्टेंबर पहिल्यांदा हा दिवस साजरा 2022 मध्ये करण्यात आला आणि त्यानंतर चित्रपटाची तिकिटे केवळ 75 रुपयांना विकली गेली.

सप्टेंबर 2023 मध्येही सिनेमा लव्हर्स डे साजरा करण्यात आला होता. त्यानंतर आता 31 मे रोजी हा दिवस साजरा करणार आहे. पण तिकिटांची किंमत 99 रुपये असेल.

'मिस्टर अँड मिसेस माही'चे दिग्दर्शन शरण शर्मा यांनी केले आहे. राजकुमार राव आणि जान्हवी कपूर या चित्रपटात मुख्य भूमिकेत दिसणार आहेत

चित्रपटाच्या कथेबद्दल सांगायचे तर, एक अयशस्वी क्रिकेटर राहिलेला राजकुमार राव आपल्या पत्नीला, जो उत्तम क्रिकेट खेळतो आणि व्यवसायाने डॉक्टर आहे, तिला मोठा क्रिकेटर बनवण्याचा प्रयत्न करताना दिसतो.

राजेश शर्मा आणि जरीना वहाब देखील या चित्रपटाचा एक भाग आहेत. (pc:janhvikapoor/ig)