राज ठाकरेंची रणनीती नेमकी काय? मनसेच्या 'राज'कारणात गुरफटली महायुती आणि महाविकास आघाडी!

Maharashtra Assembly Elections 2024: शिवडी विधानसभा मतदारसंघात मनसेच्या उमेदवारांना भाजपनं समर्थन देण्यात आलं आहे. तर, दुसऱ्याबाजूला भाजपच्या हिंगणामधील उमेदवाराला मनसेकडून समर्थन देण्यात आलं आहे.

Maharashtra Assembly Elections 2024

महाराष्ट्रात विधानसभा निवडणुकांची धामधूम सुरू आहे. सर्वच राजकीय पक्षांनी आपापल्या परीनं समीकरणांची जुळवाजुळव केली असून निवडणूक जिंकण्यासाठी कंबर कसली आहे. पण, महाराष्ट्रातील निवडणुकीत मनसे प्रमुख राज ठाकरेंच्या रणनितीनं सर्वांना धक्का दिला आहे.

राज ठाकरेंचा पक्ष 288 पैकी 139 जागांवर निवडणुका लढवत आहे. पण, प्रश्न असा आहे की, महायुती आणि महाविकास आघाडीच्या विधानसभेच्या लढाईत राज ठाकरेंची मनसे 139 पैकी किती जागा जिंकू शकेल? किती जागांवर डिपॉझिट जप्त होईल की, त्या-त्या मतदारसंघातील दुसऱ्या पक्षांचा खेळ बिघडवण्यात यशस्वी ठरणार?