मेकअपसह झोपता? त्वचेवर होतात असे भयंकर परिणाम

मेकअप न काढता झोपल्याने होऊ शकतात अनेक दुष्परिणाम, लाइफटाइम रिग्रेट करण्यापेक्षा जाणून घ्या...

Side effects of sleeping with makeup

दिवसभर वापरलेला मेकअप जर झोपण्याआधी न काढता ठेवला, तर तो त्वचेसाठी घातक ठरू शकतो. मेकअपमुळे त्वचेच्या रोमछिद्रांमध्ये धूळ व तेल साचतं आणि त्यामुळे मुरुमं, काळे डाग, ब्लॅकहेड्स यांसारख्या समस्या निर्माण होतात.

दीर्घकाळ हा सवयीनं त्वचेवर अकाली सुरकुत्या आणि वृद्धत्वाची चिन्हं दिसू लागतात.

म्हणूनच, झोपण्याआधी चेहरा व्यवस्थित धुऊन, मेकअप पूर्णपणे काढून मगच झोपणं ही त्वचेच्या आरोग्यासाठी आवश्यक सवय आहे.

त्वचेची श्वसनक्रिया बंद होते : रोमछिद्रं बंद होतात आणि त्यामुळे मुरुमं, ब्लॅकहेड्स, व्हाईटहेड्स सहज होतात. शिवाय त्वचेचं नैसर्गिक श्वसन रोखलं जातं,

ज्यामुळे त्वचा निस्तेज आणि कोरडी दिसते. डोळ्यांचा मेकअप काढला नाही तर डोळ्यांना संसर्ग, खाज किंवा लालसरपणा होऊ शकतो.

त्वचा निस्तेज होते : मेकअप रातभर राहिल्याने धूळ आणि प्रदूषण त्वचेत मिसळून टवटवी कमी होते.

डोळ्यांचा त्रास : मस्कारा किंवा काजळ न काढल्यास डोळ्यांना संसर्ग, खाज, लालसरपणा किंवा सूज येऊ शकते.

अकाली वृद्धत्व : मेकअपमधील केमिकल्स त्वचेवर जास्त वेळ राहिल्यास सुरकुत्या आणि बारीक रेषा लवकर दिसू लागतात. दीर्घकाळ हा सवयीनं त्वचेवर अकाली सुरकुत्या आणि वृद्धत्वाची चिन्हं दिसू लागतात.

ओठ आणि केसांवर परिणाम : लिपस्टिक लावून झोपल्यास ओठ कोरडे होतात, तर हेअरस्प्रे/जेल काढले नाही तर केस गळणे व कोंडा वाढतो.

म्हणूनच, झोपण्याआधी मेकअप नेहमी काढावा. फेस वॉश, क्लेन्सिंग मिल्क किंवा नैसर्गिक उपाय (जसे नारळ तेल/अलोवेरा जेल) वापरून चेहरा स्वच्छ धुतल्यास त्वचा निरोगी राहते.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.