Bhiwandi Crime News: मौलवीला लहान मुलांशी शारीरिक संबंध ठेवताना पाहिलं; शोएबचा गळा दाबून मृतदेह दुकानात पुरला, भिवंडीत दृश्यम स्टाईल गुन्हा

Bhiwandi Crime News: अल्पवयीन मुलीवर अत्याचार करत असलेला मौलवी मृतकाने पाहिला म्हणून हत्या; ‘दृश्यम’ चित्रपटासारखा २ वर्षे कुटुंबाला ठेवलं फसवून

Bhiwandi Crime News

Bhiwandi Crime News: मुंबई शेजारी असलेल्या भिवंडीमध्ये मन सुन्न करणारी घटना समोर आली आहे. तब्बल 4.5 वर्षांपूर्वी म्हणजेच 20 नोव्हेंबर 2020 रोजी अचानक बेपत्ता झालेल्या 17 वर्षीय शोएब शेखच्या बेपत्ता होण्यामागचं रहस्य अखेर उलगडलं आहे.

ठाणे क्राईम प्रॉपर्टी सेलने या प्रकरणात एक धक्कादायक कारवाई करत मौलवी गुलाम रब्बानी शेख याला अटक केली आहे. या मौलवीने शोएब शेखची निर्घृणपणे हत्या केली होती आणि त्याचे शरीर छोटे-छोटे तुकडे करून काही कचऱ्यात फेकले होते, तर काही अवशेष स्वतःच्या किराणा दुकानात गाडून टाकले होते. ही घटना अक्षरशः एखाद्या थरारक चित्रपटात घडावी अशी असून अनेकांना अजय देवगणच्या ‘दृश्यम’ चित्रपटाची आठवण करून देणारी आहे.

शोएब शेख हा भिवंडीच्या नवीबस्ती, नेहरू नगर भागात आपल्या कुटुंबासोबत राहत होता. घरात एकुलता एक मुलगा असल्यामुळे संपूर्ण कुटुंबाचे प्रेम त्याच्यावर होते.

20 नोव्हेंबर 2020 रोजी तो अचानक बेपत्ता झाला. त्याच्या अपहरणाची तक्रार भिवंडी शहर पोलीस ठाण्यात दाखल करण्यात आली होती. मात्र, सुरुवातीला कोणताही ठोस पुरावा न मिळाल्याने पोलिसांनाही शोधकार्य करण्यात अपयश येत होते.

गुलाम रब्बानी शेख हा नेहरू नगरमधील एका मशिदीत बांगी म्हणजे अजान देण्याचा काम करत होता, त्याचबरोबर तो बाबागिरी करायचा आणि किराणा दुकानही चालवत होता. त्याच्या दुकानात एका अल्पवयीन मुलाला देखील कामावर ठेवले होते. पण याच दुकानात तो अल्पवयीन मुलांसोबत दुष्कृत्य करत असल्याची माहिती पुढे आली. हे कुकर्म शोएबने पाहिले होते आणि तो हा प्रकार सर्वांना सांगेल या भीतीने मौलवीने त्याला गप्प राहण्यासाठी सांगितले होते त्याबद्दल त्याला दुकानातील शाळेतील व पैसे दर होता.

काही दिवसांनी शोएब शेख ची मागणी वाढत त्याने दुकानातून सामान घेऊन पैसे देणंही बंद केलं होतं आणि नंतर मौलवीकडून पैसे उकळायला सुरुवात केली होती. याला कंटाळून मौलवीने एक दिवस शोएबला दुकानात बोलावून त्याचा गळा दाबून हत्या केली आणि शव दुकानातच गाडून टाकले. आठ महिन्यांनंतर जेव्हा गाडलेल्या शवाचा काही भाग जमिनीवरून बाहेर यायला लागला, तेव्हा मौलवीने त्याचे छोटे छोटे तुकडे करून, दुकानात काम करणाऱ्या दुसऱ्या अल्पवयीन मुलाच्या हातून ते कचऱ्यात टाकून दिले. त्यानंतर उरलेले शव पुन्हा गाडून वर टाईल्स बसवल्या.

या संपूर्ण प्रकरणात मौलवीने शोएबच्या कुटुंबाला खोटी आश्वासने देत राहिला. कधी अजमेर शरीफच्या नियाजचा सल्ला, कधी बकऱ्याची बली – या सगळ्या उपायांमधून तो कुटुंबाला फसवत राहिला. दोन वर्षे हा प्रकार चालू होता. २०२३ मध्ये अचानक शोएबच्या आईला कोणीतरी सांगितलं की तिच्या मुलाचा खून अजान देणाऱ्या मौलवीनेच केला आहे . त्यानंतर कुटुंबाने पोलिसांकडे धाव घेतली. मात्र, त्याच दरम्यान पोलिसांच्या चौकशीत मौलवी गर्दीचा फायदा घेत पोलीस ठाण्यातून फरार झाला. या मौलवीने ज्या अल्पवयीन मुलांवर अत्याचार केले होते त्या अल्पवयीन मुलाने देखील 2023 मध्ये या मौलवी विरोधात लैंगिक अत्याचार केल्याप्रकरणी पोक्सो अंतर्गत गुन्हा दाखल केला होता. फरार झालेल्या मौलवीने दिल्लीमार्गे उत्तराखंडच्या रुडकी जिल्ह्यात गेला आणि तिथे ओळख बदलून एका मजदीमध्ये पुन्हा मौलवी म्हणून काम करू लागला.

उत्तराखंडमध्ये एका वादात त्याने "मी कित्येकांना कापून गाडलं आहे" असं धमकीवजा विधान केलं, आणि त्याच्या माहितीचा शोध घेतल्यावर समोर आलं की तो भिवंडीचा वॉन्टेड आरोपी आहे. त्यानंतर ठाणे क्राईम प्रॉपर्टी सेलच्या टीमने मोबाईल ट्रॅकिंगच्या आधारे उत्तराखंडमध्ये पोहोचून मौलवी गुलाम रब्बानी याला अटक केली.

आरोपीने चौकशीत आपला गुन्हा कबूल केला असून त्याच्या दुकानात शव गाडल्याचेही मान्य केलं. फॉरेन्सिक टीमच्या मदतीने त्या दुकानात खुदाई करून शोएबचे अवशेष सापडले. सध्या ठाणे क्राईम प्रॉपर्टी सेल या खुन आणि अपहरण प्रकरणाची सखोल चौकशी करत आहे.

शोएबच्या कुटुंबाने हत्यार्‍याला फाशीची शिक्षा व्हावी अशी मागणी केली आहे. शोएबच्या आईने अश्रूंमध्ये सांगितलं, "माझा मुलगा खूपच निरागस होता. त्याचा इतक्या क्रूरपणे खून करणारा आमच्याच शेजारी राहात होता हे आम्हाला कधीच कळलं नाही. आज तो आरोपी पोलिसांच्या ताब्यात आहे, त्याला कठोरात कठोर शिक्षा मिळावी."अशी मागणी कुटुंबीयांनी केली आहे