Investment : मुलांसाठी गुंतवणूक कशी करावी? जाणून घ्या!

मुलांसाठी उपयुक्त असे काही महत्त्वाचे गुंतवणूक पर्याय जाणून घेऊया..

गुंतवणूक पर्याय

आजच्या महागाईच्या जगात आपल्या मुलांच्या भविष्यासाठी आर्थिक नियोजन गरजेचं झालं आहे. शिक्षण, करिअर, लग्न यासाठी मोठा खर्च येतो. लवकर गुंतवणूक सुरू केल्यास तुमचं अपत्य आर्थिकदृष्ट्या सुरक्षित होऊ शकतं.

सुकन्या समृद्धी योजना (Sukanya Samriddhi Yojana) ही योजना फक्त मुलींसाठी आहे. सरकारकडून चालवली जाणारी ही स्कीम दीर्घकालीन आणि सुरक्षित आहे.

या योजनेत व्याजदर सुमारे 8% (सरकार दर तिमाहीने बदलते) मिळतो. त्याचप्रमाणे IT अधिनियमाच्या कलम 80C अंतर्गत वजावट देखील क्लेम करता येते. या योजनेचा लॉक-इन कालावधी म्हणजेच मुलीच्या 21 व्या वर्षापर्यंत ठेवता येतो. यासाठी खाते पोस्ट ऑफिस किंवा कोणत्याही राष्ट्रीय बँकेत उघडता येते. जर 5 वर्षांच्या वयात सुरुवात केली, तर 14 वर्षांपर्यंत दरवर्षी गुंतवणूक करून चांगला निधी तयार होतो.

सार्वजनिक भविष्य निधी (PPF) : PPF ही एक सरकारी बॅकअप असलेली सुरक्षित गुंतवणूक योजना आहे.पालक आपल्या नावावर खाते उघडून, नंतर मुलासाठी ते ट्रान्सफर करू शकतात.

म्युच्युअल फंड्स (SIP द्वारे) : म्युच्युअल फंड्स हे आजकाल जास्त परतावा मिळवण्यासाठी एक स्मार्ट पर्याय आहे.जर दरमहा ₹1000 गुंतवणूक केली तर 15 वर्षांनंतर एक चांगला निधी तयार होतो.

ULIP – युनिट लिंक्ड इन्शुरन्स प्लॅन हे एकत्रितपणे विमा आणि गुंतवणूक देणारी योजना आहे. यात चाइल्ड प्लॅन ऑप्शन वेगळा मिळतो

चाइल्ड फिक्स्ड डिपॉझिट : काही बँका बाल फिक्स्ड डिपॉझिट योजना देतात ज्या सुरक्षित आणि स्थिर असतात.

डिजिटल गोल्ड किंवा गोल्ड ETF: मुलीच्या लग्नासाठी किंवा भविष्याच्या खर्चासाठी सोनं ही एक चांगली गुंतवणूक असते.

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )