Weekly Lucky Zodiacs : पुढचे 7 दिवस 5 राशींसाठी ठरणार वरदानासारखे; उत्पन्नाचे नवे स्रोत उघडणार, अपार धनलाभाचे संकेत

Weekly Lucky Zodiacs 21 To 27 October 2024 : सुरू झालेला नवीन आठवडा अनेक राशींसाठी शुभ ठरणार आहे. या आठवड्यात मुख्यत्वे 5 राशींवर लक्ष्मीची कृपा राहील. या राशी नेमक्या कोणत्या? जाणून घेऊया.

Weekly Lucky Zodiacs 21 To 27 October 2024

वृषभ रास (Taurus Weekly Horoscope) : वृषभ राशीच्या लोकांसाठी हा आठवडा आनंद आणि सौभाग्य घेऊन आला आहे. जर तुम्ही खूप दिवसांपासून जमीन किंवा घर घेण्याचा किंवा विकण्याचा विचार करत असाल तर या आठवड्यात तुमची इच्छा पूर्ण होऊ शकते. वडिलोपार्जित मालमत्तेशी संबंधित काही वाद असल्यास, या आठवड्यात त्याचा निर्णय तुमच्या बाजूने येऊ शकतो.

या आठवड्यात केलेले सर्व प्रवास तुमच्यासाठी आनंददायी आणि लाभदायक असतील. राजकारणाशी संबंधित लोकांना इच्छित पद किंवा इच्छित जबाबदारी मिळू शकते. जर तुम्ही एखाद्यासमोर तुमचं प्रेम व्यक्त करण्याचा विचार करत असाल तर या आठवड्यात तुम्हाला होकारार्थी उत्तर मिळू शकतं. तुमचे नातेवाईक तुमच्या प्रेमविवाहास मान्यता देतील.

सिंह रास (Leo Weekly Horoscope) : सिंह राशीच्या लोकांसाठी ऑक्टोबरचा हा आठवडा संमिश्र ठरणार आहे. आठवड्याच्या सुरुवातीला तुम्हाला व्यवसाय किंवा नोकरीशी संबंधित काही चांगली बातमी ऐकू येईल. तथापि, आठवड्याच्या मध्यात कामात काही व्यत्यय आल्याने तुम्ही थोडे चिंतेत असाल. पण, तुम्ही त्या सर्वांवर मात कराल.

कुटुंबातील एखाद्या सदस्यासोबत तुमचा बराच काळ सुरू असलेला वाद या काळात मिटेल. सर्वांशी तुमचे संबंध सौहार्दपूर्ण होतील. मुलांशी संबंधित तुमच्या मनात असलेल्या सर्व चिंता या आठवड्यात संपतील. तुम्हाला तुमच्या जोडीदाराकडून पूर्ण सहकार्य मिळेल. चांगल्या आणि वाईट दोन्ही काळात तो सावलीसारखा तुमच्यासोबत असेल.

धनु रास (Sagittarius Weekly Horoscope) : धनु राशीच्या लोकांसाठी हा आठवडा आनंद आणि सौभाग्य देणारा आहे. या आठवड्यात तुमची नियोजित कामं वेळेवर पूर्ण होतील. धार्मिक आणि शुभ कार्यात सहभागी होण्याची संधी मिळेल. समाजात तुमचा सन्मान वाढेल. या आठवड्यात तुम्ही चैनीशी संबंधित गोष्टींवर पैसे खर्च करू शकता. वडिलोपार्जित मालमत्तेशी संबंधित वाद सोडवण्यासाठी तुमचे घरातील विरोधक स्वतः पुढाकार घेऊ शकतात.

एखाद्या वरिष्ठ आणि प्रभावशाली व्यक्तीच्या मदतीने संपत्तीच्या वादावर अपेक्षित तोडगा काढता येईल. व्यवसायाच्या दृष्टीने हा काळ अतिशय शुभ आणि लाभदायक असेल. व्यवसाय वाढवण्याची संधी मिळेल. जे लोक आधीच प्रेमसंबंधात आहेत, त्यांची वैवाहिक इच्छा पूर्ण होऊ शकते. जोडीदारासोबत आनंददायी वेळ घालवण्याची संधी मिळेल.

तूळ रास (Libra Weekly Horoscope) : तूळ राशीच्या लोकांसाठी ऑक्टोबरचा हा आठवडा अधिक शुभ आणि यश मिळवून देणारा आहे. या काळात तुमची कामं वेळेवर पूर्ण झाल्यास तुमचं मन प्रसन्न राहील. नोकरीच्या ठिकाणी वरिष्ठ आणि सहकारी यांच्यात चांगला समन्वय राहील. मालमत्ता आणि पैशाशी संबंधित बाबींमध्ये हा आठवडा तुमच्यासाठी विशेष फलदायी ठरणार आहे.

या आठवड्यात तुमच्या सर्व इच्छा पूर्ण होतील. एवढंच नाही तर यावेळी तुम्ही जो काही निर्णय घ्याल तो तुमच्या हिताचा असेल. तुम्ही तुमचे सर्व निर्णय अतिशय हुशारीने घ्याल. तुमच्यासाठी सल्ला असा आहे की, जर तुम्हाला तुमची लव्ह लाईफ चांगली करायची असेल तर तुमच्या जोडीदाराच्या अपेक्षांकडे दुर्लक्ष करुन चालणार नाही.

कर्क रास (Cancer Weekly Horoscope) : ऑक्टोबरचा चौथा आठवडा कर्क राशीच्या लोकांसाठी खूप शुभ आणि लाभदायक ठरू शकतो. या आठवड्याच्या सुरुवातीला तुम्ही तुमची ऊर्जा आणि वेळ या दोन्हींचं योग्य व्यवस्थापन करण्यात तुम्ही यशस्वी व्हाल. या आठवड्यात तुम्ही जे काही काम नियोजन करून कराल ते वेळेवर पूर्ण होईल. तुम्हाला या काळात चांगला आर्थिक लाभ होईल. नोकरदार लोकांना नोकरीच्या ठिकाणी वरिष्ठ आणि सहकारी दोघांचं सहकार्य मिळेल.

व्यावसायिकांसाठी आठवडा चांगला जाणार आहे. तुम्ही तुमच्या व्यवसायाचा विस्तार करण्याबाबत चर्चा करू शकता, पण त्यापूर्वी हितचिंतकांचा सल्ला नक्की घ्या. आठवड्याच्या मध्यात काही शुभ कार्यात सहभागी होण्याची संधी मिळेल. तुमचं प्रेम जीवन पूर्वीपेक्षा अधिक रंगतदार होईल. तुम्ही तुमच्या जोडीदारासोबत चांगला वेळ घालवाल. या आठवड्यात तुम्ही कुटुंबासोबत लांबच्या सहलीला जाऊ शकता किंवा जवळपास कुठेतरी पिकनिकला जाऊ शकता.