Guru Purnima 2025 : सोलापुरातील स्वामी समर्थ महाराजांच्या मंदिरात मोठ्या उत्साहात साजरी होतेय गुरुपौर्णिमा; दर्शनासाठी भक्तांची मांदियाळी, पाहा PHOTO

Guru Purnima 2025 : गुरुपौर्णिमेनिमित्त स्वामी समर्थ महाराजांचे मुखदर्शन घेण्यासाठी भाविक सोलापुरातील अक्कलकोट महाराजांच्या मंदिरात उपस्थित झाले आहेत.

Guru Purnima 2025

आज गुरु पौर्णिमेचा दिवस राज्यासह देशभरात मोठ्या आनंदात आणि उत्साहात साजरा केला जातोय.

गुरुपौर्णिमेनिमित्त स्वामी समर्थ महाराजांचे मुखदर्शन घेण्यासाठी भाविक सोलापुरातील अक्कलकोट महाराजांच्या मंदिरात उपस्थित झाले आहेत.

स्वामी समर्थ महाराजांचं दर्शन घेण्यासाठी राज्यभरातून लाखोंच्या संख्येने भाविक अक्कलकोट येथे दाखल झाले आहे.

या ठिकाणी स्वामी समर्थ महाराजांच्या मंदिरात पहाटेपासूनच लाखो भाविकांची मांदियाळी जमली आहे.

भक्तांना आज स्वामी समर्थ महाराजांचे मुखदर्शन घेता येणार आहे.

तसेच, भाविकांना स्वामी समर्थ महाराजांचं दर्शन घेता यावं यासाठी आज रात्री बारापर्यंत मंदिर दर्शनासाठी खुले ठेवण्यात येईल असे मंदिराच्या अध्यक्षांकडून सांगण्यात आलं आहे.

या ठिकाणी गुरुपौर्णिमेनिमित्त भव्य अशी रांगोळी देखील काढण्यात आली आहे.

तसेच, अन्नछत्र मंडळातर्फे लाखो भाविकांसाठी महाप्रसादाची सोयदेखील या ठिकाणी करण्यात आली आहे.

गुरुपौर्णिमेनिमित्त आज महाराष्ट्रातील विविध मंदिरांत भक्तांचा जनसागर अशाच पद्धतीने पाहायला मिळतोय.