धक्कादायक! US Capitol मधील अभुतपूर्व गोंधळावर जागतिक राजकीय वर्तुळातून तीव्र नाराजी

या सर्व प्रकारानंतर वॉशिंग्टन डीसीमध्ये संचारबंदी लागू करण्यात आली आहे. शिवाय जागतिक राजकाणातूनही या घटनेवर प्रतिक्रिया उमटण्यास सुरुवात झाली आहे.

छाया सौजन्य - एएनआय / ट्विटर

वॉशिंग्टन : अमेरिकेतील संसदेत ट्रम्प समर्थकांकडून निर्माण करण्यात आलेल्या गोंधळाच्या परिस्थितीनं संपूर्ण जगाला हादरा दिला आहे. ज्यानंतर आता जागतिक स्तरावरुन राजकीय नेतेमंडळींनी या प्रकरणी व्यक्त होण्यास सुरुवात केली आहे. या सर्व प्रकारानंतर वॉशिंग्टन डीसीमध्ये संचारबंदी लागू करण्यात आली आहे. शिवाय जागतिक राजकाणातूनही या घटनेवर प्रतिक्रिया उमटण्यास सुरुवात झाली आहे.

युकेच्या पंतप्रधानपदी असणाऱ्या बोरिस जॉन्सन यांनी या आंदोलनाचा निषेध केला आहे. जागतिक स्तरावर अमेरिकन संघराज्य हे त्यांच्या लोकशाही तंत्रासाठी ओळखलं जातं. पण, आता मात्र हे स्पष्ट झालं आहे की तिथं शांततापूर्ण सत्तापालट झालाच पाहिजे असं त्यांनी ट्विटरवर लिहिलं.

युकेमधील इतरही राजकीय नेतेमंडळींनी यावर त्यांची प्रतिक्रिया दिली. स्कॉटलंडच्या फर्स्ट मिनिस्टर निकोला स्टर्जन यांनी ही घटना धडकी भरवणारी असल्याचं म्हणत एक ट्विट केलं. तर, युरोपियन काऊन्सिलच्या अध्यक्षपदी असणाऱ्या चार्ल्स मायकल यांनी ही घटना धक्कादायक असल्याचं म्हणत युएस काँग्रेसचा उल्लेख लोकशाहीचं मंदिर असा केला.

The scenes from the Capitol are utterly horrifying. Solidarity with those in ???????? on the side of democracy and the peaceful and constitutional transfer of power. Shame on those who have incited this attack on democracy.

— Nicola Sturgeon (@NicolaSturgeon) January 6, 2021

The US Congress is a temple of democracy.

To witness tonight’s scenes in #WashingtonDC is a shock. We trust the US to ensure a peaceful transfer of power to @JoeBiden — Charles Michel (@eucopresident) January 6, 2021

Very distressing scenes at the US Congress. We condemn these acts of violence and look forward to a peaceful transfer of Government to the newly elected administration in the great American democratic tradition.

— Scott Morrison (@ScottMorrisonMP) January 6, 2021

Disgraceful scenes in U.S. Congress. The United States stands for democracy around the world and it is now vital that there should be a peaceful and orderly transfer of power.

— Boris Johnson (@BorisJohnson) January 6, 2021

ऑस्ट्रेलियाचे पंतप्रधान स्कॉट म़ॉरिसन यांनी ही घटना अतिशय खेदजनक असल्याचं म्हणत अमेरिकेच्या लोकशाहीमध्ये घडलेला हा हिंसक प्रकार येत्या काळात तिथं येणाऱ्या शांततापूर्ण बदलाला दर्शवतो ही बाब अधोरेखित केली.

अमेरिकेत नेमकं काय घडलं?

अमेरिकेच्या राष्ट्राध्यक्ष पदासाठी घेण्यात आलेल्या निवडणूक निकालांबाबत तेथील संसदेची बैठक बोलावण्यात आली होती. या बैठकीत इलेक्टोरल कॉलेजबाबत चर्चा सुरु होती. बैठकीत जो बायडन यांच्या विजयाची घोषणाही केली जाणार होती. पण, त्याचवेळी ट्रम्प समर्थक कॅपिटल बिल्डिंगमध्ये घुसले, ज्यामुळं संसदेचं कामकाज थांबवावं लागलं. ट्रम्प समर्थकांनी कॅपिटल बिल्डिंगबाहेर एकच गोंधळ घातला. क्षणार्धातच या आंदोलनाला हिंसक स्वरुप प्राप्त झालं.