UNGA Session: "PM मोदींनी तेव्हा बरोबरच सांगितले होते की..!" फ्रान्सच्या राष्ट्राध्यक्षांकडून मोदींच्या वक्तव्याचे समर्थन

UNGA Session: फ्रान्सचे राष्ट्रपती म्हणाले, "भारताचे पंतप्रधान नरेंद्र मोदी यांनी अगदी बरोबर सांगितले होते की......."

pm-modi-emmanuel-macron

UNGA Session: न्यूयॉर्कमध्ये (New York) संयुक्त राष्ट्र महासभेच्या 77 व्या उच्चस्तरीय अधिवेशनात फ्रान्सचे अध्यक्ष इमॅन्युएल मॅक्रॉन (France PM) यांनी पंतप्रधान नरेंद्र मोदी (Narendra Modi) यांच्या वक्तव्याचे समर्थन केले. ते म्हणाले, शांघाय कोऑपरेशन ऑर्गनायझेशन (SCO) च्या वार्षिक बैठकीच्या वेळी रशियाचे अध्यक्ष व्लादिमीर पुतिन यांच्याशी झालेल्या द्विपक्षीय चर्चेदरम्यान पंतप्रधान नरेंद्र मोदी म्हणाले होते की ही युद्धाची वेळ नाही. रशिया-युक्रेन युद्धाबाबत मोदींनी त्यावेळी हे वक्तव्य केले होते.

फ्रान्सचे राष्ट्रपती मॅक्रॉन काय म्हणाले?
फ्रान्सचे राष्ट्रपती म्हणाले, भारताचे पंतप्रधान नरेंद्र मोदी यांनी अगदी बरोबर सांगितले होते की, ही युद्धाची वेळ नाही. ही वेळ पाश्चिमात्यांवर सूड उगवण्याची किंवा विरोध करण्याची नाही. आपल्या सार्वभौम राष्ट्रांनी पुढच्या आव्हानांना तोंड देण्यासाठी एकत्र येण्याची वेळ आली आहे.

काय म्हणाले पंतप्रधान मोदी?
पंतप्रधान नरेंद्र मोदी रशियाच्या राष्ट्राध्यक्षांसमोर म्हणाले होते, आजचे युग युद्धाचे नाही. मी तुमच्याशी फोनवर बोललो आहे. आज आपण शांतता आणि प्रगतीच्या मार्गावर कसे पुढे जाऊ शकतो यावर चर्चा करण्याची गरज आहे. भारत आणि रशिया अनेक दशकांपासून एकमेकांसोबत आहेत. ते पुढे म्हणाले, आम्ही भारत-रशिया द्विपक्षीय आणि विविध मुद्द्यांवर फोनवर अनेकदा चर्चा केली आहे. आपण अन्न, इंधन सुरक्षा आणि खतांच्या समस्या सोडवण्याचे मार्ग शोधले पाहिजेत. युक्रेनमधून भारताच्या विद्यार्थ्यांना बाहेर काढण्यात आम्हाला मदत केल्याबद्दल मला रशिया आणि युक्रेनचे आभार मानायचे आहेत.

पुतिन यांनी हे उत्तर दिले
पंतप्रधान मोदींना प्रत्युत्तर देताना पुतिन म्हणाले की, युक्रेन संघर्षात भारताच्या भूमिकेची त्यांना जाणीव आहे आणि हे सर्व (युद्ध) लवकरात लवकर संपावे अशी त्यांची इच्छा आहे.

अमेरिकाकडून मोदींच्या संदेशाचे कौतुक
युक्रेन युद्धावर रशियाचे राष्ट्राध्यक्ष व्लादिमीर पुतिन यांना पंतप्रधान नरेंद्र मोदी यांनी पाठवलेल्या संदेशाचे अमेरिकेने कौतुक केले, असे अमेरिकेचे राष्ट्रीय सुरक्षा सल्लागार (NSA) जेक सुलिव्हन यांनी मंगळवारी सांगितले. युद्ध लवकरात लवकर संपावे अशी अमेरिकेची इच्छा व्यक्त केली आहे.

शत्रुत्व लवकर संपवण्याचे आवाहन

रशियाच्या राष्ट्राध्यक्षांनी म्हटले, संघर्षाच्या पार्श्वभूमीवर विकसनशील देशांना भेडसावणाऱ्या अन्न आणि ऊर्जा सुरक्षेच्या समस्यांचा विचार केला पाहिजे. पंतप्रधान मोदींनी शत्रुत्व लवकर संपवण्याचे आवाहन केले. आज युद्धाचे युग नाही आणि मी तुमच्याशी बोललो आहे. आज आपण शांततेच्या मार्गावर कसे पुढे जाऊ शकतो. यावर बोलण्याची संधी मिळणार आहे. भारत आणि रशिया अनेक दशकांपासून एकमेकांसोबत आहेत.