Taliban : तालिबान मुलींच्या शिक्षणासंदर्भात मोठ्या निर्णयाच्या तयारीत, अफगाणिस्तानमध्ये जनजीवन पूर्वपदावर येण्याच्या मार्गावर

Taliban on Girls Education : तालिबानचे सांस्कृतिक आणि माहिती उपमंत्री जबिहुल्ला मुजाहिद म्हणाले की, 21 मार्चपासून सुरू होणाऱ्या अफगाण नवीन वर्षानंतर मुली आणि महिलांसाठी शैक्षणिक वर्ग सुरू करू इच्छित आहे.

Taliban

Taliban on Girls Education : अफगाणिस्तानचे नवे शासक मुलींच्या शिक्षणासंदर्भात मोठा निर्णय घेण्याच्या तयारीत आहेत. तालिबानने सांगितले आहे की अफगाण नव्या वर्षानिमित्त मार्चच्या अखेरीस देशभरातील मुलींसाठी सर्व शाळा उघडण्यात येण्याची शक्यता आहे. आंतरराष्ट्रीय समुदायाच्या प्रमुख मागणीच्या संदर्भात, तालिबानच्या प्रवक्त्याने शनिवारीही माहिती दिली.

तालिबानने देशाचा ताबा घेतल्यापासून, अफगाणिस्तानातील बहुतांश भागातील मुलींना सातव्या इयत्तेपुढील शिक्षण घेण्याची परवानगी नाही. तालिबान सरकार आंतरराष्ट्रीय पातळीवर सलोखा जपण्यासाठी प्रयत्न करत आहे. त्यामुळे तालिबान आता मुलींच्या शिक्षणाला परवानगी देण्याच्या विचारात आहे. तालिबान सरकारचे संस्कृती आणि माहिती उपमंत्री जबिहुल्ला मुजाहिद यांनी सांगितले की, ''अफगाण नवीन वर्षानंतर 21 मार्चपासून सुरू होणाऱ्या शिक्षण विभागात सर्व मुली आणि महिलांसाठी वर्ग सुरू करण्यात येणार आहेत. अफगाणिस्तान, शेजारी राष्ट्र इराणप्रमाणे, इस्लामिक सौर हिजरी शम्सी कॅलेंडरचे अनुसरण करते.''

मुजाहिद यांनी एका मुलाखतीत सांगितले की, "शिक्षण हा मुली आणि महिलांसाठी सक्षमतेचा प्रश्न आहे. मुली आणि मुलांसाठी शाळांमध्ये पूर्णपणे स्वतंत्र व्यवस्था असावी. आत्तापर्यंतचा सर्वात मोठा अडथळा म्हणजे पुरेशी वसतिगृहे शोधणे किंवा बांधणे, जिथे मुलींना शाळेत जाता अथवा राहता येईल. दाट लोकवस्तीच्या भागात मुला-मुलींसाठी स्वतंत्र वर्ग असणे पुरेसे नाही, शाळेच्या स्वतंत्र इमारतींची गरज आहे. मुलींच्या शिक्षणाला आमचा विरोध नाही. तालिबानचे आतापर्यंतचे आदेश एकसमान नव्हते आणि ते प्रांतानुसार बदलतात."

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha