एकेकाळी गरीबांच्या यादीत होता देश; आता श्रीमंतांच्या श्रेणीत, देशातील बहुतेक लोक करोडपती

Singapore: पर्यटन स्थळ असण्यासोबतच आज सिंगापूरची गणना श्रीमंत देशांमध्ये होत आहे.

Singapore

Source : Singapore

Singapore: दरवर्षी लाखो पर्यटक परदेशात फिरायला जाण्यास पसंत करतात. यामध्ये सिंगापूरला (Singapore) सर्वाधिक पसंती मिळत असल्याचे दिसून येते. भारतामधील लोक सिंगापूरला फक्त फिरण्यासाठी जात नाहीत, तर नोकरी आणि व्यवसायाच्या शोधात देखील जातात. 

पर्यटन स्थळ असण्यासोबतच आज सिंगापूरची (Singapore) गणना श्रीमंत देशांमध्ये होत आहे. उल्लेखनीय आहे की, भारताचे पंतप्रधान नरेंद्र मोदी (Narendra Modi) यांनीही अलीकडेच सिंगापूरला भेट दिली होती. आकर्षित करणारा देश म्हणून आता सिंगापूरची ओळख निर्माण झाली आहे. मात्र एकेकाळी गरीब असणाऱ्या सिंगापूर देशाने श्रीमंत देशाच्या यादीत कसं स्थान मिळवलं, जाणून घ्या...

1963 साली सिंगापूरला मिळालं स्वातंत्र्य-

1963 मध्ये सिंगापूर स्वतंत्र झाला तेव्हा येथे खूप गरिबी होती. इतर आशियाई देशांप्रमाणे सिंगापूरही दीर्घकाळ ब्रिटनची वसाहत होती. पण 1963 मध्ये सिंगापूर हा स्वतंत्र देश झाल्यावर तेथील नागरिकांनी देश विकासाकडे वेगाने नेला. त्यामुळे सिंगापूरने आज जे जागतिक स्थान मिळवलंय त्याचे श्रेय पहिले पंतप्रधान ली कुआन यू यांना दिले जाते. आता सिंगापूरची गणना श्रीमंत देशांमध्ये होत आहे. जिथे प्रत्येक सहावे कुटुंब करोडपती आहे. दरडोई जीडीपीच्या बाबतीत, यूके, फ्रान्स आणि अगदी अमेरिकेसारख्या महासत्ता असणाऱ्या देशाच्या पुढे आहे. 2030 पर्यंत सिंगापूरमध्ये जगातील सर्वाधिक करोडपती असतील असा अंदाज आहे.

मसाले आणि रबरचा व्यवसाय-

जागतिक अर्थव्यवस्थेच्या वाढीसह सिंगापूरनेही विकासाच्या दिशेने वाटचाल केली आहे. पहिल्या दोन दशकांमध्ये सिंगापूरची अर्थव्यवस्था दरवर्षी सुमारे 10% दराने वाढली. पूर्वी सिंगापूर मसाले आणि रबरचा व्यवसाय करत होते, नंतर ते औषधी उत्पादनातही व्यवसाय करू लागले. 1975 पर्यंत सिंगापूरने एक मोठा औद्योगिक तळ निर्माण केला होता. 1965 मध्ये जीडीपीमध्ये उत्पादनाची टक्केवारी 14% वरून 22% पर्यंत वाढली.

सिंगापूरमधील श्रीमंत लोक-

आज सिंगापूरमधील बहुतेक लोक श्रीमंत आहेत. सिंगापूर सरकारच्या मते, 2023 पर्यंत सिंगापूरमध्ये स्वत:चे घर खरेदी करणाऱ्या लोकांची टक्केवारी 100 पैकी 89.7 आहे. लवकरच हा आकडा 100 टक्क्यांपर्यंत पोहोचेल आणि काही वर्षांत येथे करोडपतींची संख्याही इतर देशांच्या तुलनेत सर्वाधिक असेल, असा अंदाजही व्यक्त करण्यात आला आहे.

संबंधित बातमी: