Vladimir Putin : राष्ट्राध्यक्ष व्लादिमीर पुतीन यांचे रशियन जनतेला शारीरिक संबंध ठेवण्याचे आवाहन; नेमकी टायमिंग सुद्धा सांगितली!
रशियामध्ये जन्मदर प्रति स्त्री 1.5 मुले आहे. तर देशाचा जन्मदर प्रति स्त्री 2.1 मुले असणे आवश्यक आहे. त्याच वेळी, युक्रेनविरुद्ध युद्ध सुरू झाल्यापासून रशियाचे 1 दशलक्ष नागरिक देश सोडून गेले आहेत.
Vladimir Putin : रशियाचे राष्ट्राध्यक्ष व्लादिमीर पुतिन यांनी (Russians to have sex during work breaks) आपल्या नागरिकांना कार्यालयात काम करताना चहापान आणि जेवणाच्या ब्रेक वेळेमध्ये शारीरिक संबंध ठेवण्याचे आवाहन केले आहे. पुतीन यांनी रशियन नागरिकांचे संरक्षण करणे हे आमचे प्राधान्य आहे. रशियन लोकांचे भविष्य आता त्यांच्या संख्येवर अवलंबून असल्याचे म्हटले आहे. रशियाचे आरोग्य मंत्री डॉ.येवगेनी शेस्टोपालोव यांनी सांगितले की, कामाचा दबाव हे मूल न होण्याचे कारण असू शकत नाही. कामाच्या दरम्यान ब्रेक घेऊन तुम्ही शारीरिक संबंध देखील ठेवू शकता. ब्रिटीश वृत्तपत्र मेट्रोच्या वृत्तानुसार, पुतिन यांनी देशातील घटता जन्मदर सुधारण्यासाठी हे सांगितले आहे. रशियामध्ये जन्मदर प्रति स्त्री 1.5 मुले आहे. देशाचा जन्मदर प्रति स्त्री 2.1 मुले असणे आवश्यक आहे. त्याच वेळी, युक्रेनविरुद्ध युद्ध सुरू झाल्यापासून रशियाचे 1 दशलक्ष नागरिक देश सोडून गेले आहेत. यामध्ये प्रामुख्याने तरुण गटातील लोकांचा समावेश आहे.
पुतिन म्हणाले होते, महिलांनी 8 मुलांना जन्म द्यावा
पुतीन यांनी देशाच्या घटत्या जन्मदराबद्दल चिंता व्यक्त करण्याची ही पहिलीच वेळ नाही. यापूर्वी गेल्या वर्षी डिसेंबरमध्ये पुतीन यांनी रशियन महिलांना किमान 8 मुलांना जन्म देण्यास सांगितले होते. मोठ्या कुटुंबांची परंपरा रशियन घरांमध्ये सादर करणे आवश्यक आहे. पुतीन म्हणाले होते, "अनेक समुदायांमध्ये अजूनही अधिक मुले जन्माला घालून कुटुंब वाढवण्याचा आणि परंपरा जपण्याचा ट्रेंड आहे. आपण हे लक्षात ठेवायला हवे की आपल्या आजी आणि पणजींच्या काळात 7-8 मुले होती.
रशियामध्ये जन्म दर 25 वर्षांच्या नीचांकी
रशियन सरकारच्या आकडेवारीनुसार, रशियामधील जन्मदर 1999 नंतरच्या सर्वात कमी पातळीवर आहे. लोकसंख्येच्या बाबतीत जगातील पहिल्या 10 देशांमध्ये समाविष्ट असलेल्या रशियामध्ये या वर्षी जूनमध्ये 1 लाखांपेक्षा कमी मुलांचा जन्म झाला. 2024 च्या पहिल्या सहामाहीत सुमारे 6 लाख मुलांचा जन्म झाला. गेल्या वर्षीच्या तुलनेत हे प्रमाण 16 हजार कमी आहे. रशियामध्ये या वर्षी जानेवारी ते जून या कालावधीत 3 लाख 25 हजारांहून अधिक लोकांचा मृत्यू झाला आहे. त्यामुळे देशाची लोकसंख्या सातत्याने कमी होत आहे. प्रवक्ते दिमित्री पेस्कोव्ह यांनी जुलैमध्ये सांगितले की ही परिस्थिती देशाच्या भविष्यासाठी विनाशकारी आहे.
मातांची अपेक्षा करणाऱ्या महाविद्यालयीन विद्यार्थ्यांसाठी नवीन योजना
रशियाच्या ईशान्येकडील कारेलियामधील अधिकाऱ्यांनी मातांची अपेक्षा करणाऱ्या महाविद्यालयीन विद्यार्थ्यांसाठी नवीन योजना जाहीर केल्या आहेत. याअंतर्गत स्थानिक महाविद्यालये आणि विद्यापीठांमध्ये निरोगी बालकांना जन्म देणाऱ्या 25 वर्षांखालील विद्यार्थिनींना सुमारे 92 हजार रुपये दिले जाणार आहेत.
10 मुलांना जन्म देणाऱ्या महिलांचा सन्मान केला जाईल
यापूर्वी 2022 मध्ये पुतिन यांनी 10 मुलांना जन्म देणाऱ्या महिलांना 'मदर हिरोईन' नावाचा पुरस्कार देण्याची घोषणा केली होती. हा पुरस्कार दुसऱ्या महायुद्धात महिलांनाही देण्यात आला होता. त्या काळातही रशियाची लोकसंख्या झपाट्याने कमी होत होती. 1991 मध्ये सोव्हिएत युनियन तुटल्यानंतर रशियाने हा पुरस्कार देणे बंद केले.
राष्ट्राध्यक्ष पुतीन यांची गर्लफ्रेंड, दोन मुलांची जगभरात चर्चा
दरम्यान, रशियाचे राष्ट्राध्यक्ष व्लादिमीर पुतिन (Vladimir Putin) यांना त्यांची मैत्रीण एलेना काबाएवासोबत दोन मुलं असल्याचे समोर आलं आहे. फोर्ब्सने आपल्या अहवालात दोन्ही मुलांचे वय पाच आणि 9 वर्षे असल्याचा दावा केला आहे. इव्हान आणि व्लादिमीर जूनियर अशी त्यांची नावे आहेत. मॉस्कोमधील पुतीन यांच्या बंगल्यात ते कडेकोट सुरक्षेखाली राहतात. ते त्यांच्या पालकांना क्वचितच भेटतात. फोर्ब्सने रशियाच्या एका तपास संस्थेच्या हवाल्याने ही माहिती दिली आहे. पुतिन यांनी अधिकृतपणे त्यांच्या पहिल्या पत्नीपासून फक्त त्यांच्या दोन मुलींचीच माहिती दिली आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
