एक्स्प्लोर
Advertisement
जगाचं लक्ष कोरियाकडे, भारताचं लक्ष चीनकडे, मोदी-जिनपिंग आज भेटणार!
पंतप्रधान नरेंद्र मोदी दोन दिवसांसाठी चीनच्या दौऱ्यावर आहेत. आज पंतप्रधान मोदी आणि चीनचे अध्यक्ष शी जिनपिंग यांची भेट होणार आहे.
वुहान (चीन): आंतरराष्ट्रीय पातळीवर आज दोन महत्वाच्या बैठका होत आहेत. एक म्हणजे दक्षिण आणि उत्तर कोरियाचे अध्यक्ष इतिहासात पहिल्यांदाच एकमेकांना भेटत आहेत. तर दुसरी भेट म्हणजे भारताचे पंतप्रधान नरेंद्र मोदी हे चीनचे अध्यक्ष शी जिनपिंग यांची भेट घेणार आहेत.
जगाचं लक्ष या दोन्ही भेटींकडे लागलं आहे. उत्तर कोरियाचा हुकूमशाहा किम जोंग उन आणि दक्षिण कोरियाचे अध्यक्ष मून जे इन यांची ऐतिहासिक भेट झाली. कोरियातील युद्धानंतर पहिल्यांदाच दोन्ही देशाचे नेते एकत्र आले.
पंतप्रधान नरेंद्र मोदी दोन दिवसांसाठी चीनच्या दौऱ्यावर आहेत. आज पंतप्रधान मोदी आणि चीनचे अध्यक्ष शी जिनपिंग यांची भेट होणार आहे.
या दौऱ्याचं वैशिष्ट्य म्हणजे मोदी चीनला औपचारिक दौऱ्यावर गेलेले नाहीत. मात्र मोदी आणि जिनपिंग यांच्यात दोन्ही देशांबाबत विविध मुद्द्यावर चर्चा होणार आहे. डोकलाम वादानंतर हे दोन्ही नेते एकत्र येणार आहेत. या बैठकीत उभय देशांमध्ये कोणताही करार होणार नाही. गेल्या वर्षी डोकलाम मुद्दावरुन दोन्ही देशात निर्माण झालेला वाद आणि व्यापार विषयक मुद्यांवर चर्चा होण्याची शक्यता आहे. पाच ते सहा वेळा भेटणार दरम्यान, मोदी 2 दिवस चीनमध्ये असतील. वुहान शहरात मोदी आणि जिनपिंग यांच्यात 5 ते 6 वेळा चर्चा होणार आहे. या भेटीसाठी चीनने मोदींसाठी ‘रेड कार्पेट’ अंथरलं आहे, तर भारतानेही चीनच्या संवेदनशीलतेची काळजी घेतली आहे. कसा असेल कार्यक्रम? अनौपचारिक शिखर बैठकीसाठी वुहान पोहोचलेले पंतप्रधान नरेंद्र मोदी, बैठकीचा कार्यक्रम हुबेई प्रोविंशियल म्युझियममधून सुरु करतील. भारतीय वेळेनुसार दुपारी एकच्या सुमारास मोदी म्युझियमला भेट देतील. आज रात्री दोन्ही नेते एकत्र जेवणही करणार आहेत. संबंध सुधारण्यासाठी महत्त्वाची भेट चीनमध्ये जून महिन्यात शांघाय संगठन शिखर संमेलन होत आहे. त्या पार्श्वभूमीवर होणाऱ्या मोदी-जिनपिंग बैठकीला महत्त्व प्राप्त झालं आहे. भारत आणि चीन यांच्यातील संबंध सुधारण्यासाठी ही भेट महत्त्वाची मानली जात आहे. संबंधित बातम्याकोरियन अध्यक्षांची भेट, किम जोंग उन म्हणाला, नवा अध्याय लिहू!
अधिक पाहा..
Advertisement
Advertisement
Advertisement
महत्त्वाच्या बातम्या
बीड
बॉलीवूड
मुंबई
बॉलीवूड
Advertisement
ट्रेंडिंग न्यूज
for smartphones
and tablets
and tablets
संकेत वरकप्रतिनिधी
Opinion