Mother's Day 2022 : आईविषयी प्रेम व्यक्त करणाऱ्या मातृदिनाचा इतिहास आणि महत्त्व जाणून घ्या...

Mother's Day 2022 : आईचे आभार मानण्यासाठी साजरा केला जाणारा दिवस म्हणजे मातृदिन.

Mother's Day 2022

Mother's Day 2022 : आई म्हणजे सहवास, आई म्हणजे वात्सल्य, आई म्हणजे प्रेम, आई म्हणजे माया, आई म्हणजे आयुष्याची शिदोरी अशी कित्येक विशेषणं आईसाठी लागू होतात. खरंतर, आपल्या आईने आपल्यासाठी केलेल्या त्यागाची, कष्टाची, नि:स्वार्थी प्रेमाची आपण कधीच परतफेड करू शकणार नाही. मात्र, तरीही तिने आपल्याला दिलेल्या ह्या सुंदर आयुष्याबद्दल तिचे आभार मानण्याचा दिवस म्हणजे मातृदिन (Mother's Day). जगभरातील प्रत्येक आईबद्दल प्रेम व्यक्त करण्यासाठी, तिचा सन्मान करण्यासाठी, इतरांसाठी सतत कष्ट करणाऱ्या प्रत्येक आईचे आभार मानण्यासाठी साजरा केला जाणारा दिवस म्हणजे मातृदिन. जगभरात हा दिवस मोठ्या उत्साहात साजरा केला जातो. याच मातृदिनाचा इतिहास थोडक्यात जाणून घेऊया. 

मातृदिनाचा इतिहास (Mother's Day History 2022) :

मातृत्वदिनाची सुरुवात सर्वात आधी अमेरिकेतून झाली. अमेरिकन अॅक्टिविस्ट अॅना जार्विस (Anna Jarvis) हिचं आपल्या आईवर प्रचंड प्रेम होतं. तिने स्वतः लग्न केलं नव्हतं. ती सदैव आपल्या आईसोबतच राहात असे. जिवलग आईचा मृत्यू झाल्यावर अॅना जार्विस हिने आईच्या स्मृतिप्रित्यर्थ स्मारक बांधले. त्यानंतर हळूहळू अनेक देशांमध्ये मातृदिन साजरा करण्यास सुरुवात झाली. जगभरात साजरे केले जाणारे विविध दिवस हे विशिष्ठ तारखेला असतात. पण, मदर्स डेचे वैशिष्ट्य असे की, हा दिवस साजरा करण्यासाठी कोणतीच तारीख कधीही नक्की ठरलेली नसते. 10 मे 1914 अमेरिकेचे राष्ट्राध्यक्ष वुड्रो विल्सन यांनी एक कायदा पास केला होता. ज्यामध्ये असं लिहिण्यात आलं होतं की, मे महिनाच्या दुसऱ्या रविवारी मातृदिन साजरा करण्यात येईल. तेव्हापासून भारतात आणि इतर देशांमध्ये मे महिन्याच्या दुसऱ्या रविवारी मातृदिन साजरा केला जाऊ लागला. यंदा Mother’s Day 9 मे रोजी आहे.

मातृदिनाचे महत्त्व (Mother's Day Importance 2022) : 

आई ही आपल्यासाठी सर्वस्व आहे. खरंतर आईसाठी एकच दिवस खास असा नसतो. परंतु, या दिवशी प्रत्येकजण आईला खुश ठेवण्याचा प्रयत्न करतो. तिला छान छान भेटवस्तू दिल्या जातात. कामात मदत केली जाते. आईची काळजी घेतली जाते. तिला बाहेर फिरायला घेऊन जातात. थोडक्यात, आईला खुश ठेवण्याचा प्रयत्न केला जातो. 

महत्वाच्या बातम्या :