Coronavirus | अख्खं जग कोरोनाच्या विळख्यात! जगभरातील कोरोना बाधितांची संख्या 87 लाख पार

जगभरात कोरोना व्हायरसचा कहर पाहायला मिळत आहे. आतापर्यंत 87 लाखांहून अधिक लोकांना कोरोनाची बाधा झाली आहे. तर कोरोनामुळे मृत्यू झालेल्यांची संख्या चार लाख 61 हजारांवर पोहोचली आहे.

Coronavirus World Update | संपूर्ण जग कोरोनाच्या विळख्यात अडकलं आहे. दिवसागणिक कोरोना बाधितांच्या संख्येत वेगाने वाढ होत आहे. वर्ल्डोमीटरने दिलेल्या माहितीनुसार, संपूर्ण जगभरात कोरोना व्हायरसमुळे 87 लाखांहून अधिक लोकांना कोरोनाची बाधा झाली आहे. तर कोरोनामुळे मृत्यू झालेल्यांची संख्या चार लाख 61 हजारांवर पोहोचली आहे. तसेच 46 लाख 20 हजारांहून अधिक लोक ठिक झाले आहेत. जगभरात जवळपास 62 टक्के कोरोनाचे रुग्ण फक्त 8 देशांमध्ये आढळून आले आहेत. या देशांमध्ये कोरोना बाधितांची संख्या 51 लाखांहून अधिक आहे.

जगभरात कोणत्या शहरात, काय परिस्थिती?

कोरोनाचा सर्वाधिक प्रादुर्भाव अमेरिकेत आहे. अमेरिकेमध्ये 22 लाखांहून अधिक लोकांना आतापर्यंत कोरोनाची लागण झाली आहे. एक लाख 21 हजारांहून अधिक लोकांचा मृत्यू झाला आहे. परंतु, आता दरदिवशी ब्राझीलमध्ये अमेरिकेहून अधिर रुग्ण आणि मृत्यूंची नोंद करण्यात आली आहे. अमेरिकेमध्ये गेल्या 24 तासांमध्ये 33158 रुग्ण आढळून आले आहेत, तर 714 लोकांचा मृत्यू झाला आहे. तर ब्राझीलमध्ये 55,209 रुग्ण आढळून आले असून 49,090 लोकांचा मृत्यू झाला आहे. ब्राझीलनंतर रशिया आणि भारतात कोरोना बाधितांची संख्या वेगाने वाढत आहे.

अमेरिका	एकूण रुग्ण : 2,296,809	एकूण मृत्यू : 121,402
ब्राझील	एकूण रुग्ण : 1,038,568	एकूण मृत्यू : 49,090
रशिया	एकूण रुग्ण : 569,063	एकूण मृत्यू : 7,841
भारत	एकूण रुग्ण : 395,812	एकूण मृत्यू : 12,970
यूके	एकूण रुग्ण : 301,815	एकूण मृत्यू : 42,461
स्पेन	एकूण रुग्ण : 292,655	एकूण मृत्यू : 28,315
पेरू	एकूण रुग्ण : 247,925	एकूण मृत्यू : 7,660
इटली	एकूण रुग्ण : 238,011	एकूण मृत्यू : 34,561
इराण	एकूण रुग्ण : 200,262	एकूण मृत्यू : 9,392
जर्मनी	एकूण रुग्ण : 190,660	एकूण मृत्यू : 8,960

8 देशांमध्ये दोन लाखांहून अधिक कोरोना बाधित

ब्राझील, रशिया, स्पेन, यूके, इटली, भारत, पेरूमध्ये कोरोना बाधितांची संख्या दोन लाखांच्या पार पोहोचली आहे. याव्यतिरिक्त आठ देश असे आहेत, जिथे एक लाखांहून अधिक कोरोना बाधित आहेत. चार देश (अमेरिका, ब्राझील, ब्रिटन, इटली) असे आहेत, जिथे 30 हजारांहून अधिक लोकांचा मृत्यू झाला आहे. अमेरिकेमध्ये मृतांचा आकडा 1.21 लाखांहून अधिक झाला आहे. चीन टॉप-18 कोरोना बाधित देशांच्या यादीतून बाहेर पडला असून भारताचा समावेश कोरोनाचा प्रादुर्भाव असणाऱ्या टॉप-4 देशांमध्ये झाला आहे.

महत्त्वाच्या बातम्या :