VIDEO: बाल्कनीत उभे राहून भांडता-भांडता तोल गेला; जोडपे तिसऱ्या मजल्यावरुन कोसळून थेट रस्त्यावर, व्हिडीओ व्हायरल

Trending: व्हायरल व्हिडीओ पाहून सर्वजण एकच म्हणत आहेत की, घराच्या बाल्कनीत उभं राहून कधीही भांडू नये. या एका चुकीमुळे एक जोडपे भांडता-भांडता बाल्कनीतून कोसळून थेट रस्त्यावर पडले आहेत.

Russia Couple Viral Video

Viral Video: आजकाल लोक छोट्या-छोट्या गोष्टीवरून एकमेकांशी भांडू लागतात. जोडप्यांमध्ये भांडणं होणं आता नित्याचं झालं आहे. सोशल मीडियावर (Social Media) दररोज याच प्रकारचे काही ना काही व्हिडिओ व्हायरल (Viral Video) होत असतात, ज्यामध्ये जोडपी (Couples) एकमेकांशी कसून भांडताना दिसतात.

असाच एक व्हिडिओ हल्ली सोशल मीडियावर पुन्हा एकदा पाहायला मिळतोय, ज्यामध्ये एका जोडप्याने चक्क बाल्कनीतच भांडायला सुरुवात केली. पुढे त्यांच्या भांडणाने इतकं रौद्र रुप घेतलं की, भांडता-भांडता हे जोडपं तिसऱ्या मजल्याच्या बाल्कनीतून थेट खाली रस्त्यावर कोसळलं. हा व्हिडीओ पाहून सारेच चकित झाले आहेत.

नेमकं घडलं काय?

बाल्कनीत उभ्या असलेल्या जोडप्यात कोणत्या तरी मुद्द्यावरून भांडण सुरू असल्याचं व्हिडिओमध्ये दिसतं. हळूहळू शाब्दिक भांडण धक्काबुक्कीत बदलतं. हे दोघेही बाल्कनीच्या रेलिंगला धडकतात. ही रेलिंग त्यांचं वजन सांभाळू शकत नाही आणि नंतर अचानक ती तुटते. रेलिंग तुटताच दोघेही चांगलेच जोरात रस्त्यावर कोसळतात.

भांडणातील नवरा पाठीवर पडतो, तर त्याची बायको डोक्यावर आपटून जमिनीवर आदळते. हा व्हिडिओ खूपच धक्कादायक आहे. दोघेही बाल्कनीतून पडल्यानंतर त्यांच्या अवतीभोवती उभ्या असलेल्या गाड्यांचे हॉर्नही वाजू लागतात.

बाल्कनीतून खाली आदळले जोडपे

हा व्हिडिओ रशियातील सेंट पीटर्सबर्ग शहरातील असल्याचे लोकांचं म्हणणं आहे. काही मीडिया रिपोर्ट्समध्ये असं म्हटलं आहे की, या प्रकारानंतर दोघांनाही ताबडतोब रुग्णालयात नेण्यात आलं, जिथे त्यांच्या गंभीर दुखापतीवर उपचार करण्यात आले. व्हिडिओ पाहून असं दिसतं की, रस्ता आणि बाल्कनीमध्ये सुमारे 20 ते 25 मीटर अंतर आहे. त्यामुळे बाल्कनीतून पडल्यामुळे त्यांची हाडं मोडली असावीत. हे जोडपे राहत असलेल्या वास्तूबाबत असं सांगण्यात आले आहे की, ती शहराच्या 150 वर्षं जुन्या ऐतिहासिक भागात आहे.

Fighting couple fall from third story balcony pic.twitter.com/MLjjVRhG06

— CCTV IDIOTS (@cctvidiots) October 2, 2023

लोक काय म्हणाले?

या व्हिडीओवर लोकांनी मजेशीर कमेंट केल्या आहेत. काही लोकांनी घडलेल्या प्रकारावर दु:ख व्यक्त केलं, तर काही लोकांनी या जोडप्याची मज्जा घेतली. व्हिडीओवर कमेंट करत एकाने म्हटलं की, 'खरंच हे फारच धक्कादायक आहे, आशा आहे की यांचा मृत्यू झाला नसावा.'

एका व्यक्तीने म्हटलं की, यापुढे हे दोघं आता कधी भांडणार नाही. तर काही लोक म्हणाले, हा व्हिडीओ पाहून एखाद्या चित्रपटाचा सीन सुरू असल्यासारखं वाटत आहे. 

हेही वाचा: