Trending : 12 नातवंड, 21 पतवंड असलेल्या आजी-आजोबांचा लग्नाचा वाढदिवस; 70 वर्ष जुन्या लग्नातील कपड्यांमध्ये खास फोटोशूट

Trending News : एका जोडप्यानं नुकताच त्यांच्या लग्नाचा 70 वाढदिवस साजरा केला. यावेळी आजी-आजोबांनी त्यांच्या लग्नातील कपडे घालून खास फोटोशूट केलं आहे.

Trending News

Trending News : आजच्या काळात, लोकांचे नाते काही महिने आणि काही वर्षांत संपते, मात्र एक जोडप त्यांच्या लग्नाचा 70 वा वाढदिवस साजरा करत आहे. दोघांनीही हा क्षण अविस्मरणीय बनवण्यासाठी त्यांनी खास फोटोशूट केलं आहे. दोघांनी 1952 मध्ये लग्नाच्या वेळी परिधान केलेल्या कपड्यांमध्ये कपल फोटोशूट केलं आहे.

आपल्या जोडीदारासोबत 70 वर्षे घालवणं सोपे नाही, पण अमेरिकेतील मिनेसोटा येथे राहणाऱ्या एका जोडप्यानं त्यांच्या लग्नाचा 70 वा वाढदिवस साजरा केला. आनंद द्विगुणित करण्यासाठी त्यांच्या मुलीने दोघांचं खास फोटोशूटची करण्याचं ठरवलं. दोघांनाही स्वतःच्या लग्नातील कपडे घालण्यास सांगितले.

87 वर्षीय नॅन्सी आणि 91 वर्षीय माल्विन त्यांचा 70 वा लग्नाचा वाढदिवस साजरा केला. या जोडप्याची धाकटी मुलगी प्रोफेशनल फोटोग्राफर आहे, त्यामुळे तिने कपलच्या फोटोशूटसाठी खास तयारी केली होती. फोटोशूट वेळी दोघांनी लग्नातील कपडे घातले होते. 87 वर्षीय नॅन्सी यांनी त्यांचा 70 वर्ष जूना वेडींग गाऊन घातला होता, जो त्या काळी 20 रुपयांना खरेदी केला होता. फोटोंमध्ये पांढऱ्या लेसच्या वेडिंग गाऊनमध्ये नॅन्सी खूपच आनंदी दिसत आहेत.

नॅन्सीला आणि माल्विन यांना 12 नातवंडे आणि 21 नातवंडे आहेत. या सगळ्यांसोबतही दोघांनी फोटोशूट केलं. आजीने 70 वर्षांचा वेडिंग गाऊन घालून फोटोशूट केले तेव्हा संपूर्ण कुटुंबात उत्साह पाहायला मिळाला. दोघांनी कॅमेऱ्यासमोर एकामागून एक पोज दिल्या. त्यांचे हे फोटो मोठ्या प्रमाणात व्हायरल होत आहेत. यावेळी दोघांनीही 'माफ करा आणि पुढे जा' हा त्यांच्या यशस्वी वैवाहिक जीवनाचा मंत्र असल्याचं सांगितलं. 

महत्त्वाच्या इतर बातम्या :