VIDEO: हे कसलं प्रेम? गर्लफ्रेंड हातावर चावली, तर बॉयफ्रेंडने दातांच्या निशाणांचा बनवला टॅटू; नेटकऱ्यांनी सुनावलं

या व्हायरल व्हिडीओमध्ये एका प्रियकराने त्याच्या प्रेयसीसाठी एक खास टॅटू बनवला, पण नेटकऱ्यांनी टॅटूवरुन या जोडप्याला चांगलंच सुनावलं आहे.

Boyfriend made tattoo of girlfriend's bite mark

Weird News: आजकाल अनेकजण कूल आणि डॅशिंग दिसण्यासाठी शरीराच्या विविध भागांवर टॅटू (Tattoo) बनवू लागले आहेत. लोक त्यांच्या आवडीनुसार विविध प्रकारचे टॅटू बनवतात. पण सध्या सोशल मीडियावर (Social Media) व्हायरल होत असलेले टॅटूचे दोन व्हिडिओ पाहून अनेकांचं डोकं फिरलं आहे. या व्हिडिओंमध्ये असं दिसून येतं की, एका प्रियकराने त्याच्या प्रेयसीसाठी एक अनोखा टॅटू बनवला आहे. मात्र, नेटकऱ्यांना हे टॅटू फारसं आवडलं नाही, त्यामुळे लोक या जोडप्यांना सतत सुनवत आहेत.

नेमका प्रकार काय?

पहिल्या व्हिडिओमध्ये तुम्हला दिसेल की, एका मुलीने प्रथम तिच्या बॉयफ्रेंडच्या हाताचा चावा घेतला. चावल्यानंतर हातावर जे दातांचे निशाण उमटले, त्याला नंतर टॅटूचं स्वरूप देण्यात आलं. वास्तविक, बॉयफ्रेंडने त्याच्या गर्लफ्रेंडच्या लव्ह बाईटचा टॅटू बनवून घेतला. टॅटूमध्ये गर्लफ्रेंडचं नाव आणि ज्या तारखेला टॅटू बनवला, ती तारीख देखील लिहिण्यात आली. हा व्हिडीओ पाहून नेटकरी चांगलेच संतापले. त्यांनी या जोडप्याला चांगलंच सुनावलं.

एका नेटकऱ्याने प्रतिक्रिया देत म्हटलं की, 'पुरे झालं यार, पुरे झालं, मी आता इंस्टाग्राम डिलीट करत आहे.' तर दुसऱ्या एकाने लिहिलं की, 'खरंच, मी इतका घाणेरडा टॅटू याआधी कधीच नाही पाहिला.'

 

 

 

 

 

View this post on Instagram

 

 

 

 

 

 

 

 

 

 

 

A post shared by A K A S H⚡️G U J J U (@skytattoos111)

खांद्यावर बनवला गर्लफ्रेंडच्या ओठांचा टॅटू

टॅटूचा आणखी एक व्हिडिओ देखील सोशल मीडियावर मोठ्या प्रमाणावर व्हायरल होत आहे. या व्हिडिओत एका गर्लफ्रेंडने तिच्या बॉयफ्रेंडच्या खांद्यावर लिपस्टिकने पप्पी दिली. यानंतर बॉयफ्रेंडने खांद्यावर उमटलेल्या लिपस्टिकच्या निशाणाचा टॅटू बनवला, त्यावर टॅटू ज्या दिवशी बनवला ती तारीख देखील टाकली.

नेटकरी या व्हिडिओवर खूप विचित्र कमेंट्सही करत आहेत. एका युजरने म्हटलं की, 'मी मरेन पण हे कधीच करणार नाही'. तर दुसरा युजर म्हणाला, 'भाऊ, यापेक्षा त्याने त्याच्या आईवर प्रेम केलं असतं तर परवडलं असतं.'

आजकाल जोडपे आपलं प्रेम व्यक्त करण्यासाठी हे असले भलत्याच प्रकारचे टॅटू बनवत आहेत. मात्र त्यांना नेटकऱ्यांकडून या कामाची दाद मिळत नाही, असे काही विचित्र प्रकार पाहताच लोकांचं पित्त खवळतं आणि ते अशा लोकांना ट्रोल करू लागतात.

हेही वाचा: