व्हॉट्सअॅपच्या अर्जाला मंजुरी; PhonePe, Google Pay ला टक्कर!
WhatsApp: डिजिटल पेमेंट व्यवसायातील स्पर्धा आणखी तगडी होणार आहे.
WhatsApp: डिजिटल पेमेंट व्यवसायातील स्पर्धा आणखी तगडी होणार आहे. कारण NPCI ने व्हॉट्सअॅपच्या पेमेंट सेवेअंतर्गत वापरकर्त्यांची मर्यादा वाढवण्याची परवानगी दिली आहे. त्यामुळे व्हॉट्सअॅपवर आतापर्यंत 20 दशलक्ष वापरकर्त्यांची मर्यादा लागू करण्यात आली होती, ती आता 4 कोटींपर्यंत वाढवता येणार आहे. व्हॉट्सअॅपने एनसीपीआयकडे त्यांच्या पेमेंट सेवेतील वापरकर्त्यांची मर्यादा वाढवण्यासाठी अर्ज केला होता, जो आतापर्यंत पुनरावलोकनाखाली होता.
सूत्रांनी दिलेल्या हवाल्यानुसार, नॅशनल पेमेंट कॉर्पोरेशन ऑफ इंडिया (NPCI) देशाची रिटेल पेमेंट आणि सेटलमेंट सिस्टम चालवते. NPCI ने गेल्या वर्षी नोव्हेंबरमध्ये व्हॉट्सअॅपला पेमेंट सेवा सुरू करण्यास मान्यता दिली होती. परंतु, त्याच वेळी त्यावर 20 दशलक्ष वापरकर्त्यांची मर्यादा घातली होती. म्हणजे व्हॉट्सअॅप आपली पेमेंट सेवा फक्त 20 दशलक्ष लोकांनाच देऊ शकत होती.
व्हॉट्सअॅपमुळे फारसा फरक नाही
मेटाचा मालकी हक्क असलेल्या व्हॉट्सअॅपला पेमेंट सेवेची मान्यता मिळाल्यावर डिजिटल पेमेंटच्या विश्वात मोठी उलथापालथ होईल अशी अपेक्षा होती. कारण व्हॉट्सअॅप युजर्सची संख्या देशभरात मोठ्या प्रमाणात आहे. पण हा अंदाज फोल ठरला आणि व्हॉट्सअॅपची पेमेंट सेवा म्हणावी तितक्या प्रमाणात यशस्वी झाली नाही.
पेमेंट सेवेचा विस्तार करण्याचा निर्णय
व्हॉट्सअॅपने आपल्या पेमेंट सेवेचा विस्तार करण्यावर भर देण्याचे ठरवले आहे आणि यासाठीच व्हॉट्सअपला यूजर ग्रुप वाढवायचा आहे. परिणामी आता व्हॉट्सअॅप पेमेंटची मर्यादा वाढवण्यास मंजुरी मिळाल्याने गुगल पे, फोन पे, पेटीएम आणि जिओ पे, मोबिक्विक यांना देशात आणखी एक तगडा स्पर्धक मिळणार आहे. याचे कारण म्हणजे लोकांना पेमेंटसाठी वेगळे अॅप इन्स्टॉल करावे लागणार नाही.
व्हॉट्सअॅपचा वापरकर्ता मोठा वर्ग
भारतभर WhatsApp मेसेजिंग सेवेचे 400 दशलक्ष वापरकर्ते आहेत. व्हॉट्सअॅप पेमेंट सेवेमधून वापरकर्ता मर्यादा एकाच वेळी काढून टाकल्याने NPCI च्या सिस्टमवर अचानक दबाव येऊ शकतो, हे लक्षात घेऊन NPCI टप्प्याटप्प्याने WhatsApp च्या पेमेंट सेवेची वापरकर्ता मर्यादा हळूहळू वाढवण्याच्या धोरणावर काम करत आहे. मात्र, यावर व्हॉट्सअॅप आणि एनपीसीआयकडून कोणतीही प्रतिक्रिया आलेली नाही.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
हे देखील वाचा-
महत्त्वाच्या बातम्या
