Apple Event 2020: अॅपलकड़ून iPhone-12 सीरिजचे चारही फोन लॉन्च, जाणून घ्या फीचर्स आणि किंमत

भारतीय प्रमाणवेळेनुसार रात्री 10.30 वाजता होणार कार्यक्रम. Hi Speed या थीमवर आधारित कार्यक्रमात 5G मोबाईलचे लॉंच होणार

Background

मुंबई : जगभरात उत्सुकता लागून राहिलेल्या Apple च्या आजच्या वार्षिक लॉंच कार्यक्रमात iPhone 12 सीरिजचे लॉंच होणार आहे. या सीरिजला हाय स्पीडच्या टॅग लाईनवसह बाजारात आणले गेले आहे. हा लॉन्चिंग कार्यक्रम भारतीय वेळेप्रमाणे रात्री 10.30 वाजता व्हिडीओ कॉन्फरन्सच्या माध्यमातून होणार आहे.

 

कंपनीच्या या कार्यक्रमाव्यतिरिक्त फोनच्या किंमती किंवा इतर फीचर्सबद्दल कंपनीने कोणतीही माहिती दिली नाही . पण कंपनीच्या या वार्षिक लॉन्चिंग कार्यक्रमाबद्दल अनेक अफवा, अंदाज किंवा माहितीच्या लीकची चर्चा असते. त्यावरुन त्याचे फीचर्स आणि किंमतीची माहिती सांगता येऊ शकते.

 

Apple सीरिजमधील आयफोनच्या नव्या मॉडेलची अनेक जण आतुरतेने वाट पाहत असतात. Apple आज आपल्या बहुप्रतीक्षित असलेल्या आयफोन 12 (iPhone 12) आज बाजारात येत आहे. त्यासाठी एका शानदार कार्यक्रमाचे आयोजन करण्यात आलं आहे. या दरम्यान कंपनी त्यांच्या सर्वात छोटा आयफोन iPhone 12 mini यासंबंधीही घोषणा करण्याची शक्यता आहे.

 

4 मॉडेल लॉंच होणार
Apple त्यांच्या कार्यक्रमात iPhone 12 सीरिजमधील चार स्मार्टफोनचे लॉन्च करणार आहे. यात iPhone 12 Mini, iPhone 12, iPhone 12 Pro आणि iPhone 12 Pro Max यांचा समावेश आहे. या सर्व डिव्हाईसमध्ये 5G ची सेवा असणार आहे.

 

अशा असतील याच्या किंमती!
एका वृत्तानुसार iPhone 12 mini च्या डिस्प्लेचा आकार हा 5.1 इंच इतका असेल आणि याची किंमत 51 हजार इतकी असू शकते. 6.1 इंच डिस्प्ले असणाऱ्या iPhone 12 ची किंमत जवळपास 58 हजार 300 इतकी असेल. या दोन्ही स्मार्ट फोनमध्ये ड्युएल कॅमेराची सोय आहे. तसेच यात 64GB पासून 256GB स्टोरेजची व्यवस्था असण्याची शक्यता आहे.

 

iPhone 12 Pro चा डिस्प्ले हा 6.1 इंच इतक्या आकाराचा असू शकतो तर त्याची किंमत ही 73 हजार असू शकते. iPhone 12 Pro Max चा डिस्प्ले 6.7 इंच असेल आणि त्याची सुरुवातीची किंमत ही 80 हजार इतकी असू शकेल. या कार्यक्रमात कंपनी MagSafe हा वायरलेस चार्जर देखील बाजारात आणू शकते. वरील किंमती या केवळ अंदाजे आहेत. कंपनीने अधिकृतरित्या किंमतीबाबत कोणताही खुलासा केला नाही.

 

असे असेल त्याचे डिजाईन
एका अहवालात असे सांगण्यात आले आहे की, iPhone 12 चे डिझाईन iPhone 4 शी मिळते जुळते आहे. कंपनीने हे मॉडेल 2010 साली लॉन्च केले होते. नवा आयफोन हा फ्लॅट एज असू शकतो तसेच त्याला स्टेनलेस स्टीलची चौकट देखील असू शकते.

 

पहिला 5G iPhone असेल
सध्या बाजारात अनेक कंपन्यांचे 5G मोबाईल उपलब्ध आहेत. Apple ची iPhone 12 सीरिज ही पहिली 5G सीरिज असेल. कंपनीचे विश्लेषक मिंग-ची कूओ यांच्या मते सर्व चारही आयफोन 5G असतील.

 

[mb]1597389106[/mb]

00:05 AM (IST)  •  14 Oct 2020

आयफोन 12 Pro Max लॉन्च. यामध्ये 6.5 इंचाचा डिस्प्ले देण्यात आला आहे. यासह अॅपलने आयफोन 12 सीरिजचे चारही फोन लॉन्च केले आहेत.

00:03 AM (IST)  •  14 Oct 2020

आयफोन 12 प्रो लॉन्चः 6.5 इंचाचा डिस्प्ले, स्टेनलेस स्टील आणि ग्लास बॉडी, ट्रिपल रियर कॅमेरा, सुपर रेटिना एक्सडीआर डिस्प्ले, 12 मेगापिक्सलचा अल्ट्रा वाईड अँगल कॅमेरा, 12 मेगापिक्सलचा टेलिफोटो लेन्स यासारखे फीचर्सने आयपी 68 रेटिंग मिळाली आहे. यामुळे फोन सहा मीटर खोल पाण्यात 30 मिनिटांपर्यंत राहू शकतो.

23:46 PM (IST)  •  13 Oct 2020

अॅपलने आयफोन 12 मिनी लाँच केला. यामध्ये 5.4 इंच डिस्प्ले देण्यात आला आहे. आयफोन 12 चे सर्व फीचर्स यात असतील. हा जगातील सर्वात पातळ आणि छोटा 5G स्मार्टफोन असल्याचं बोललं जात आहे.

23:43 PM (IST)  •  13 Oct 2020

आयफोन 12 मध्ये 50 वॅटपर्यंत वायरलेस फास्ट चार्जिंग सपोर्ट मिळेल. उत्तम वायरलेस चार्जिंगसाठी आयफोन 12 मध्ये मॅगसेफ तंत्रज्ञान देण्यात आले आहे. विशेष म्हणजे आयफोन 12 आणि अॅपल वॉच एकाच चार्जरने चार्ज केले जाऊ शकते.

23:39 PM (IST)  •  13 Oct 2020

iPhone 12 स्मार्टफोनच्या कॅमेरासोबत अल्ट्रा वाईड मोड, नाईट मोडचे फिचर्स देण्यात आले आहेत. आयफोन 12 च्या सर्व मॉडेल्समध्ये नाईट मोड उपलब्ध असेल. नाईट मोडमध्ये टाईम लॅप्स देखील मिळणार.