लेनोव्होच्या 35 हजार स्मार्टफोनची केवळ 15 मिनिटात विक्री

नवी दिल्ली : फ्लिपकार्टवर लेनोव्होच्या 'k6 पॉवर' या मॉडलचे केवळ 15 मिनिटात 35 हजार स्मार्टफोन विकले गेले, अशी माहिती फ्लिपकार्टने दिली आहे. हा फोन लाँच करुन केवळ 7 दिवस झाले आहेत. या सात दिवसात तब्बल 17 लाख फोन्सची विक्री झाली आहे. या फोनची विशेषता म्हणजे यामध्ये 4,000mAh एवढ्या दमदार क्षमतेची बॅटरी आहे. शिवाय 5 इंच आकाराची स्क्रीन, 430 स्नपड्रॅगन ऑक्टाकोअर प्रोसेसर, 3 GB रॅम, 32 GB इंटर्नल स्टोरेज देण्यात आलं आहे. यामध्ये 13 मेगापिक्सेल रिअर कॅमेरा आणि 8 मेगापिक्सेलचा फ्रंट फेसिंग कॅमेरा देण्यात आला आहे. फिंगर प्रिंट सेन्सरसह डॉल्बी ATMOS ऑडिओ सपोर्टिव्ह आणि 4G VoLTE असे फीचर्स देण्यात आले आहेत.