सोलापूरमधील देगावमध्ये दोन दुचाकींचा भीषण अपघात; एकजण जागीच ठार, दुसरा गंभीर जखमी
Two Bikes Accident In Solapur: सोलापूर शहरापासून 06 किमी अंतरावर असलेल्या सोलापूर - मंगळवेढा महामार्गावर दोन दुचाकींचा अपघात झाला आहे.
Two Bikes Accident In Solapur: सोलापूर: राज्यात अलीकडे अपघाताचं प्रमाण मोठ्या प्रमाणात वाढलं असून दररोज अपघाताच्या अनेक बातम्या समोर येत असतात. याचदरम्यान सोलापूर जिल्ह्यात दोन दुचाकींच्या अपघातात एकाचा जागीच मृत्यू झाल्याची माहिती समोर आली आहे. (Two Bikes Accident In Solapur)
सोलापूर शहरापासून 06 किमी अंतरावर असलेल्या सोलापूर - मंगळवेढा महामार्गावर दोन दुचाकींचा अपघात झाला आहे. या अपघातामध्ये एकजण जागीच ठार झाला असून दुसरा व्यक्ती गंभीर जखमी झाला आहे. मृत युवकाचे अभिषेक केनगाडे तर सुदर्शन काळे असे जखमी युवकाचे नाव आहे. सोलापूर जवळ असलेल्या देगाव जवळ ही घटना घडली आहे. पोलिसांनी घटनास्थळी जात अपघाताचा पंचनामा केला आहे. वेगात असलेली दुचाकी दुभाजकला धडकून अपघात झाल्याची प्राथमिक माहिती आहे.जखमी युवकाला तात्काळ सोलापूर शासकीय रुग्णालयात दाखल करण्यात आले.
दरम्यान, वाहन चालकांसाठी अनेक वाहतूक नियम असताना अनेक ठिकाणी त्याचं पालन न झाल्याने अपघाताच्या संख्येमध्ये वाढ होताना पाहायला मिळत आहे. वाहतूक विभागकडून सातत्याने चालकांसाठी असलेल्या नियमानसंदर्भात जनजागृती करण्याचा प्रयत्न केला जातो. मात्र, अनेक ठिकाणी नियम धाब्यावर बसवून वाहन चालवली जात असल्याने नाहक अपघात होत आहेत. अकोला, नाशिक, सोलापूर या जिल्ह्यातील अपघाताच्या घटना ताज्या असताना , आता या घटनेची देखील भर पडली आहे. वाहतूक अपघात नियंत्रणासाठी असलेल्या नियमांची प्रभावी अंमलबजावणी होण्याची नितांत गरज आहे. यासाठी वाहतूक विभाग कडक धोरणात्मक भूमिका घेणार का? हे पाहणं महत्त्वाचं असणार आहे.
महत्त्वाच्या बातम्या
