Mumbai-Solapur Train : मुंबई -सोलापूर वंदे भारत ट्रेन सुसाट; 32 दिवसांत 4.3 कोटी रुपयांची केली कमाई

मुंबई-सोलापूर वंदे भारत रेल्वे सुरू होऊन 32 दिवस झाले आहेत. ही गाडी दररोज मुंबई ते सोलापूरमार्गे पुणे आणि पुन्हा मुंबईकडे परतीचा प्रवास करते. या ट्रेनला प्रवाशांची चांगली पसंती मिळत आहे.

vande bharat express

Source : PTI

Mumbai-Solapur Train : मुंबई-सोलापूर वंदे भारत रेल्वे (Vande Bharat Express)  सुरू होऊन 32 दिवस झाले आहेत. ही गाडी दररोज मुंबई ते सोलापूरमार्गे पुणे आणि परत मुंबईकडे धावते. या ट्रेनला प्रवाशांची चांगली पसंती मिळत आहे. त्यामुळे रेल्वेने 4.3 कोटी रुपयांची कमाई केली आहे. रेल्वे क्रमांक 22225 मुंबई-सोलापूर वंदे भारत एक्सप्रेस सोलापूर मार्गे छत्रपती शिवाजी महाराज टर्मिनस, दादर, कल्याण, पुणे, कुर्डुवाडी. गेल्या 32 दिवसांत 26,028 प्रवाशांनी प्रवास केला. रेल्वेने  2.07 कोटी रुपयांची कमाई केली आहे.

रेल्वे क्रमांक 22226 सोलापूर-मुंबई वंदे भारत एक्सप्रेसने 27,520 प्रवाशांनी प्रवास केला आहे. यातून रेल्वेला 2.23 कोटी रुपयांची कमाई केली आहे. वंदे भारत रेल्वेत एकावेळी 1,128 प्रवासी प्रवास करतात. ऑन-बोर्ड वाय-फाय इन्फोटेनमेंट, GPS-आधारित प्रवासी माहिती प्रणाली, प्लश इंटीरियर्स, टच-फ्री सुविधांसह बायो-व्हॅक्यूम टॉयलेट, डिफ्यूज्ड एलईडी लाइटिंग, प्रत्येक सीटखाली चार्जिंग पॉइंट्स अशा अनेक सुविधा आहेत. सुविधा मुंबई-सोलापूर-मुंबई वंदे भारत एक्सप्रेस ही देशातील नववी वंदे भारत रेल्वे आहे.

तीर्थक्षेत्रांना जाणं झालं सोप...

मुंबई-सोलापूर वंदे भारत ट्रेनमुळे अनेक प्रवाशांचा प्रवास सोपा आणि कमी वेळेत होते. त्यामुळे या ट्रेनला अनेकांनी पसंती दिली आहे. सोलापूरमधील सिद्धेश्वर, अक्कलकोट, तुळजापूर, सोलापूरजवळील पंढरपूर आणि पुण्याजवळील आळंदी या महत्त्वाच्या तीर्थक्षेत्रांना या ट्रेनमुळे प्रवास करता येत आहे. त्यामुळे अनेक देवदर्शनाला निघालेले भक्तगणदेखी याच ट्रेनचा वापर करत आहेत. 

या महत्वाच्या गावात थांबेच नाही 

पुण्याहून सोलापूरला जाणारी ही वंदे भारत एक्स्प्रेस फक्त पाच स्थानकावर थांबणार आहे. त्यात सीएसएमटी, दादर, कल्याण, पुणे, कुर्डूवाडी या स्थानकांचा समावेश आहे. मात्र या मार्गावर असणाऱ्या महत्वाच्या गावांमध्ये या एक्स्प्रेसचा थांबा देण्यात आला नाही आहे. लोणावळा, कर्जत, दौंड, मालठाण, माणिक पेठ, मोहोळ, मुर्धेवाडी या गावांचा त्यात समावेश आहे. मुंबई-सोलापूर वंदे भारत ट्रेन ही देशातील नववी वंदे भारत ट्रेन आहे. सोलापूरमधील सिद्धेश्वर, अक्कलकोट, तुळजापूर, सोलापूरजवळील पंढरपूर आणि पुण्याजवळील आळंदी या महत्त्वाच्या तीर्थक्षेत्रांना या ट्रेनमुळे प्रवास करता येत आहे. खासदार सुप्रिया सुळेंनी या ट्रेनला दौंडमध्ये थांबा द्या, अशी मागणी केली होती. गाडी क्र. 22225 आठवड्यातून सहा दिवस मुंबईतील सीएसएमटी स्थानकातून सुटते. ही ट्रेन बुधवारी बंद राहणार असते. गाडी क्र. 22226 सोलापूर ते मुंबई मार्गावर धावते.