Medha Kulkarni: मेधा कुलकर्णींनी हनुमान जयंतीला मशिदीतील अजान थांबवली, पुण्यातील शेख सल्लाहुद्दीन दर्ग्याची पोलिसांत तक्रार

Medha Kulkarni: हनुमान जयंतीच्या दिवशी पुण्येश्वर मंदिर कार्यक्रमासाठी आलेल्या राज्यसभा खासदार डॉ. मेधा कुलकर्णी यांनी अजान रोखण्याचा प्रयत्न केला असा आरोप त्यांच्यावर करण्यात आला आहे.

Medha Kulkarni

Source : PTI

पुणे: पुण्यातील भाजप नेत्या आणि राज्यसभा खासदार डॉ. मेधा कुलकर्णी यांच्यावर गुन्हा दाखल करुन त्यांच्यावर अटकेची कारवाई करण्याची मागणी करण्यात आली आहे. यासंदर्भात छोटा शेख सल्लाहुद्दीन दर्गा ट्रस्टकडून तातडीने तक्रार देण्यात आली आहे. मेधा कुलकर्णी यांनी आजान रोखण्याचा प्रयत्न केल्याचा आरोप त्यांच्यावर करण्यात आला आहे. हनुमान जयंतीच्या दिवशी पुण्येश्वर मंदिर कार्यक्रमासाठी आलेल्या राज्यसभा खासदार डॉ. मेधा कुलकर्णी यांनी या वेळी जवळच असलेल्या ऐतिहासिक छोटा शेख सल्लाहुद्दीन दर्गा येथे नमाजासाठी देण्यात आलेल्या अजान रोखण्याचा प्रयत्न केलाअसा आरोप त्यांच्यावर करण्यात आला आहे. या संदर्भातला एक व्हिडीओदेखील समोर आला आहे.

अशा पध्दतीने खासदारांनी व्यक्त होणे चुकीचे

हा सर्व प्रकार अत्यंत धक्कादायक तसेच निंदनीय आहे. मुळात हा मुद्दा व परिसर अत्यंत संवेदनशील असून यावर अशा पध्दतीने खासदारांनी व्यक्त होणे चुकीचे आहे. केवळ आपण अधिक कट्टरतावादी असल्याचे दाखविण्याचा व त्याद्वारे वरिष्ठांची मर्जी संपादन करण्याचा हा प्रकार असल्याची टिका नॅशनल कॉन्फरन्स फॉर मायनॉरिटीचे अध्यक्ष राहुल डंबाळे यांनी राज्यसभा खासदार डॉ. मेधा कुलकर्णी यांच्यावर टीका केली केली. हा संपुर्ण प्रकार धार्मिक ध्रुवीकरणाला चालणा देणारा असून यामुळे शहराची शांतता धोक्यात येत आहे. खासदार ताईंना जे काही आक्षेपार्ह वाटत असेल त्या बाबत त्यांनी पोलिसांकडे तक्रार करणे आवश्यक असताना केवळ स्टंट करुन दंगलसदृष्य परिस्थिती निर्माण केले प्रकरणी कुलकर्णी यांचेवर गुन्हा दाखल करुन पुढील कारवाई करावी अशी मागणी आम्ही सरकारकडे केली आहे,  अशी माहितीही राहुल डंबाळे यांनी यावेळी दिलीं.

नेमकं काय घडलं?

रविवार दिनांक (13 एप्रिल) हनुमान जयंतीच्या दिवशी रात्री 8.15 वाजण्याच्या सुमारास पुण्येश्वर मंदिर कार्यक्रमासाठी आलेल्या राज्यसभा खासदार डॉ. मेघा कुलकर्णी यांनी या वेळी जवळच असलेल्या एैतिहासिक छोटा शेख सल्लाहुद्दीन दर्गा येथे नमाजासाठी देण्यात आलेल्या अजान रोखण्यासाठी ऐतिहासिक छोटा शेख सल्लाहुद्दीन दर्ग्यातील मस्जिदीत अजान रोखण्याचा प्रयत्न केला असा आरोप त्यांच्यावर करण्यात आला आहे. यावेळी स्थानिक मुस्लिम नागरिकांना मेधा कुलकर्णी यांच्याकडून धक्काबुक्की करण्यात आल्याचा आरोप आहे. परंतु वेळीच पोलिसांनी हस्तक्षेप केल्याने परिस्थिती नियंत्रणात आली.यासंदर्भात ऐतिहासिक छोटा शेख सल्लाहुद्दीन दर्गा ट्रस्टकडून तातडीने तक्रार देण्यात आली असली तरी अद्याप गुन्हा दाखल करण्यात आलेला नाही.