Ankita Walawalkar On Dhurandhar Movie: 'Views मिळतील तुम्हाला, पण लाज उरायला हवी...'; धुरंधरच्या 'त्या' ट्रेंडवरुन अंकिता वालावलकरची तळपायाची आग मस्तकात, काय म्हणाली?
Ankita Walawalkar On Dhurandhar Movie: 'धुरंधर' सिनेमानंतर सोशल मीडियावर सुरू झालेल्या एका ट्रेंडमुळे मात्र अंकिताची तळपायाची आग मस्तकात गेलीय. तिनं सोशल मीडियावर पोस्ट करुन आपलं स्पष्ट मत व्यक्त केलंय.
Ankita Walawalkar On Dhurandhar Movie: सध्या 'धुरंधर' सिनेमा (Dhurandhar Movie) सोशल मीडियावर धुमाकूळ घालतोय. 'धुरंधर'नं बॉक्स ऑफिसवर (Dhurandhar Box Office Collection) कब्जा केलाय, असं म्हटलं तरी वावगं ठरणार नाही. 'धुरंधर'मध्ये बॉलिवूडसह टेलिव्हिजनवरची तगडी स्टारकास्ट झळकली आहे. रणवीर सिंह (Ranveer Singh), अक्षय खन्ना (Akshaye Khanna), संजय दत्त (Sunjay Dutt), अर्जुन रामपाल यांसारखे बॉलिवूडचे (Bollywood) दमदार स्टार्सही या सिनेमात दिसलेत. यांच्या अभिनयानं सिनेमाला तर चार चाँद लावले आहेत. हिंदी सिनेसृष्टीतून 'धुरंधर'वर कौतुकाचा वर्षाव केला जातोय, पण मराठी सिनेसृष्टीतील अनेक कलाकार, इन्फ्लुएन्सर्सही 'धुरंधर'चं कौतुक करत आहेत. यामध्ये प्रसिद्ध सोशल मीडिया इन्फ्लुएन्सर 'कोकण हार्टेड गर्ल' (Kokan Hearted Girl) अंकिता वालावलकरचाही (Ankita Prabhu Walawalkar) समावेश आहे. अंकितानं 'धुरंधर' सिनेमाचं तोंड भरुन कौतुक केलं आहे. पण, त्यासोबतच 'धुरंधर' सिनेमानंतर सोशल मीडियावर सुरू झालेल्या एका ट्रेंडमुळे मात्र अंकिताची तळपायाची आग मस्तकात गेली आहे. याबाबत तिनं स्वतः सोशल मीडियावर पोस्ट करुन आपलं स्पष्ट मत व्यक्त केलं आहे.
'धुरंधर' पाहिल्यावर अंकिता वालावलकर काय म्हणाली?
"माझ्यावर विश्वास ठेवा... 'धुरंधर' पाहणं म्हणजे, Worth Every Minute! चित्रपट पाहताना तुम्हाला अजिबात कंटाळा येणार नाही, कारण यातला प्रत्येक मिनिट महत्त्वाचा आहे...", असं अंकिता वालावलकर म्हणाली.
सोशल मीडियावरच्या 'Day 1 As a Spy' ट्रेंडवरुन अंकिता चिडली, काय म्हणाली?
'धुरंधर' सिनेमानंतर सरू झालेल्या 'Day 1 As a Spy' या ट्रेंडवरुन मात्र अंकिता वालावलकर चिडलीय. अंकिताने सोशल मीडियावर एक व्हिडीओ पोस्ट करत म्हटलंय की, "Spy वर मस्करी करून reel बनवणं म्हणजे विनोद नाही तर अज्ञान आहे. त्यांचं आयुष्य कंटेंट नाही, तो दररोजचा धोका आहे. थोड्या views साठी देशासाठी आयुष्य पणाला लावणाऱ्यांची थट्टा करणं हे IQ नाही, हे संवेदनशून्यपणाचं प्रदर्शन आहे. Spy बनायला फक्त attitude नाही तर, मेंदू, धैर्य आणि त्याग लागतो. तुमच्या reels मुळे चित्रपट promote होतील, पण त्यामागे असलेली देशसेवा, देशासाठी जगणाऱ्यांची किंमत कमी होतेय हे लक्षात ठेवा. एकदा स्वतःला त्यांच्या जागी ठेवून बघा. नाव विसरावं लागतं, कुटुंब विसरावं लागतं, आणि तरीही देश पहिला... Views मिळतील तुम्हाला, पण लाज उरायला हवी..."
View this post on Instagram
सोशल मीडियावरचा 'Day 1 As a Spy' ट्रेंड आहे तरी काय?
'धुरंधर' सिनेमानंतर सोशल मीडियावर 'Day 1 As a Spy' हा ट्रेंड तुफान गाजतोय. यामध्ये इन्फ्लूएन्सर स्वतःला सीक्रेट एजन्ट असून पाकिस्तानात मिशनसाठी आल्याचं सांगतात. पण, पाकिस्तानात सीक्रेटपणे वावरत असताना अगदी आपल्या दैनंदिन जीवनातील साध्या सवयींमुळे पकडले जातात, असं या ट्रेंडी व्हिडीओत दाखवण्यात येतं. अगदी साध्या सवयी म्हणजे, गुरुवारी बिर्याणी खायला नकार देणं, कुणाला पाय लागला की, पाया पडणं किंवा गायीला नमस्कार करणं... यांसारख्या अनेक सवयी या ट्रेंडी व्हिडीओ करण्यासाठी वापरण्यात आल्यात. पण, अंकिता वालावलकरला मात्र सोशल मीडिया इन्फ्लुएन्सर्सचा हा ट्रेंड अजिबातच पटलेला नाही. यावरुन तिनं असे रिल्स बनवणाऱ्यांना चांगलंच झापलंय.
महत्त्वाच्या बातम्या
