Pune Crime News: शाळेत जाताना खाऊ देण्यासाठी बोलावलं अन्...; चौथीत शिकणार्या मुलीवर 27 वर्षाच्या नराधमाने केला अत्याचार, पुण्यातील घटनेनं संताप
Pune Crime News: खाऊच्या आमिषाने नराधमाने चौथीच्या विद्यार्थ्यानीसोबत घृणास्पद कृत्य केलं आहे. पुण्याजवळील वाघोलीत सोमवारी सकाळी आठ वाजण्याच्या सुमारास हा प्रकार घडला आहे.
पुणे : पुण्यात गेल्या काही दिवसांमध्ये गुन्हेगारीच्या घटना मोठ्या प्रमाणावर समोर येत आहेत. स्वारगेट परिसरामध्ये बसमध्ये एका 26 वर्षीय तरूणीवरती अत्याचार झाल्याची घटना समोर आली होती, त्यानंतर आता आणखी एका घटनेनं पुणे शहर हादरलं आहे. शाळेत जाण्यासाठी निघालेल्या चौथीतील मुलीवर 27 वर्षांच्या नराधमाने लैंगिक अत्याचार केल्याची घटना पुण्यातील वाघोली परिसरात घडली आहे. या प्रकरणातील आरोपीला वाघोली पोलिसांनी अटक केली आहे. या घटनेमुळे वाघोली परिसरात खळबळ उडाली आहे. खाऊच्या आमिषाने नराधमाने चौथीच्या विद्यार्थ्यानीसोबत घृणास्पद कृत्य केलं आहे. पुण्याजवळील वाघोलीत सोमवारी सकाळी आठ वाजण्याच्या सुमारास हा प्रकार घडला आहे.
पोलिसांनी या प्रकरणी दिलेल्या माहितीनुसार, इयत्ता चौथीमध्ये शिक्षण घेणारी मुलगी सोमवारी सकाळी सात वाजण्याच्या सुमारास घरातून शाळेत जाण्यासाठी निघाली होती. शाळेत जाण्याच्या रस्त्यावर एक पिठाची गिरण आहे, त्या पिठाच्या गिरणीत कामाला असलेल्या 27 वर्षीय आरोपीने तिला अडवलं आणि तुला खाऊ देतो असं आमिष दाखवत आरोपीने पीडित मुलीला पिठाच्या गिरणीत घेऊन गेला आणि त्या ठिकाणी तिच्यावर लैंगिक अत्याचार केला.
काही वेळात गिरणीपासून काही अंतरावर पीडित मुलगी रडत होती. ते रस्त्यावरून जाणार्या येणार्या नागरिकांनी पाहिलं. त्यावेळी काही नागरिकांनी मुलीकडे विचारपूस केल्यावर तिने तिच्यासोबत घडलेला प्रकार सांगितला. त्यानंतर नागरिकांनी तात्काळ पोलिसांना याबाबत माहिती दिली. या घटनेची माहिती मिळताच पोलिस घटनास्थळी दाखल झाले. त्यांनी आरोपीला ताब्यात घेऊन त्यांच्याविरोधात गुन्हा दाखल केला. या प्रकरणाचा तपास वाघोली पोलिस करत आहेत.
मानलेल्या भावासह प्रियकराने केला अत्याचार
बार्शी तालुक्यामध्ये मानलेल्या बहिणीवरती भावासह तिच्या प्रियकराने अत्याचार केल्याची संतापजनक घटना घडली आहे. मानलेल्या भावाने व प्रियकराने मिळून 34 वर्षीय विवाहित महिलेला कारमधून कुडूवाडी रस्त्यावरील लॉजवर नेऊन तेथे तिला मारहाण करून जीवे ठार मारण्याची धमकी देत तिच्यावरती सामूहिक अत्याचार केल्याची धक्कादायक घटना समोर आली आहे. या घटनेमुळे भाऊ बहिणीच्या नात्याला काळिमा फासण्याचा प्रकार बार्शी तालुक्यात घडला. या घटनेने संताप व्यक्त केला जात आहे. सुरेश परसु माळी व संतोष भास्कर भानवसे अशी गुन्हा दाखल करण्यात आलेल्या संशयितांची नावे आहेत. या दोघांनाही अटक करून बार्शी न्यायालयात हजर करण्यात आले, त्यांना पोलीस कोठडी सुनावण्यात आली आहे. याबाबत पिडीत 34 वर्षीय पिडितेने तालुका पोलीस ठाण्यात फिर्याद दिली आहे. या घटनेने संताप व्यक्त केला जात आहे.
महत्त्वाच्या बातम्या
