Eknath Khadse : प्रांजल खेवलकरांवर एकही गुन्हा नव्हता, कोणाच्यातरी सांगण्यावरुन त्यांना गोवलं गेलं, राजकारण किती खालच्या थराला गेलंय याचं उत्तम उदाहरण : एकनाथ खडसे
Eknath Khadse : एकनाथ खडसे यांनी पुण्यातील कथित ड्रग्ज पार्टी प्रकरणात प्रांजल खेवलकर यांना जामीन मिळाल्यानंतर पहिली प्रतिक्रिया दिली आहे.
जळगाव : एकनाथ खडसे (Eknath Khadse) यांनी प्रांजल खेवलकर (Pranjal Khewalkar) यांच्यासह सर्वांना जामीन मिळाल्याचं म्हटलं. प्रांजल खेवलकर यांना खोट्या आरोपाखाली अडकवण्यात आलं होतं. खेवलकर यांच्यावर फार मोठे गुन्हे असे दावे करत त्यांना पहिला आरोपी करण्यात आलं. कुणाच्यातरी सांगण्यावरुन कोणीतरी खेवलकर यांना अडकवल्याचा मोठा दावा एकनाथ खडसे यांनी केला. प्रांजल खेवलकर यांना पुण्यातील खराडी भागातील एका खोलीत पार्टी करत असताना पोलिसांनी छापा टाकून अटक केली होती. प्रांजल खेलवरकर यांच्यासह इतरांना 7 जणांना अटक करण्यात आली होती. खेवलकर यांच्यासह इतरांना जामीन मिळाल्यानंतर एकनाथ खडसे यांनी राज्याचं राजकारण किती खालच्या थरावर गेलंय, याचं उत्तम उदाहरण आहे, असं म्हटलंय.
Eknath Khadse on Pranjal Khewalkar Bail : प्रांजल खेवलकर यांच्या जामीनावर एकनाथ खडसे काय म्हणाले?
प्रांजल खेवलकर यांना पुण्यातील कथित ड्रग्ज पार्टी प्रकरणात पुणे सत्र न्यायालयाकडून जामीन मंजूर करण्यात आला. कायदेशीर प्रक्रिया पार पडल्यानंतर ते उद्या तुरुंगाबाहेर येऊ शकतात. एकनाथ खडसे यांनी जावई प्रांजल खेवलकर यांना जामीन मिळताच प्रतिक्रिया दिली आहे. प्रांजल खेवलकर यांना ड्रग्ज बाळगल्या प्रकरणी अटक करण्यात आली होती. या प्रकरणात आज प्रांजल खेवलकर यांच्यासह अन्य जणांना जामीन मिळाला आहे. त्यांनी कुठलंही ड्रग्ज सेवन केलेलं नव्हतं किंवा बाळगलं नव्हतं तरी त्यांना खोट्या आरोपाखाली रेव्ह पार्टी केली म्हणून सांगितले गेलं.
प्रत्यक्ष चार ते पाच जण एका घरात पार्टी करत होते ती रेव्ह पार्टी होऊ शकत नाही. या प्रकरणात प्रांजल खेवलकर यांच्यावर फार मोठे गुन्हे आहेत असा दावा केला गेला. त्यामुळे त्यांना पहिल्या क्रमांकाचे आरोपी केलं मात्र प्रांजल खेवलकर यांच्यावर आयुष्यात एकही गुन्हा नव्हता. कोणीतरी कोणाच्यातरी सांगण्यावरून प्रांजल खेवलकर यांना गोवण्यात आला आहे.
प्रांजल खेवलकर यांना आता जामीन मिळाला आहे. या प्रकरणात न्यायालयात होणाऱ्या खटल्यात प्रांजल खेवलकर निर्दोष सुटतील, असा माझा विश्वास असल्याचं एकनाथ खडसे म्हणाले. मात्र, महाराष्ट्रातील राजकारण किती खालच्या थरावर गेलेला आहे याचं हे उत्तम उदाहरण आहे, असंही खडसे म्हणाले.
प्रांजल खेवलकर आणि त्यांच्यासह इतर काही जण पुण्यातील खराडी भागातील एका खोलीत पार्टी करत होते. त्याचवेळी पुणे पोलिसांनी छापा टाकला होता. पुणे पोलिसांनी अटकेची कारवाई 27 जुलै रोजी करण्यात आली होती.
महत्त्वाच्या बातम्या
