Pune News: GBS रुग्णांसोबत पुणे महानगरपालिकेचा निष्काळजीपणा? मोफत उपचार होणाऱ्या कमला नेहरू रुग्णालयात न्यूरोलॉजिस्टच नाही 

पुण्यातील कमला नेहरू रुग्णालयात जीबीएसच्या रुग्णांवर मोफत उपचार करण्यात येत आहे. जीबीएस हा आजार न्यूरॉन संदर्भातला आजार आहे.  मात्र या रुग्णालयात एकही न्यूरोलॉजिस्ट नसल्याची खळबळजनक माहिती समोर आलीय.

Guillain-Barre Syndrome, Pune

Source : ABP Majha

Guillain-Barre Syndrome, Pune :  पुण्यातील कमला नेहरू रुग्णालयात (Kamla Nehru Hospital) गुइलेन-बॅरे सिंड्रोमच्या (GBS)रुग्णांवर मोफत उपचार करण्यात येत आहे. जीबीएस हा आजार न्यूरॉन संदर्भातला आजार आहे.  मात्र या कमला नेहरू रुग्णालयात एकही न्यूरोलॉजिस्ट (Neurologist) नसल्याची खळबळजनक माहिती समोर आली आहे. पुढे आलेल्या माहितीनुसार, रुग्णालयाबाहेरील विजिटिंग न्यूरोलॉजिस्ट येऊन या ठिकाणी रुग्णांवर उपचार करतायेत. सध्या या रुग्णालयात तीन न्यूरोलॉजिस्टची गरज आहे. रुग्णांना दिलासा मिळावा म्हणून या रुग्णालयात मोफत उपचार सुरू करण्यात आले आहे.

मात्र न्यूरोलॉजिस्ट हे पदच महापालिकेच्या पीपीपी तत्त्वावर असलेल्या रुग्णालयात मंजूर नाहीत. त्यामुळे रुग्ण या रुग्णालयात फिरकताना दिसत नाहीये. त्यामुळे महापालिकेने (Pune Municipal Corporation) रुग्णांच्या जीवाचा खेळखंडोबा मांडलाय का? असा प्रश्न उपस्थित होतो. या रुग्णालयात सध्या एक रुग्ण उपचार घेत आहे. तर दोन संशयित रुग्ण आहेत. त्यामुळे पुणे महानगरपालिकेचा निष्काळजीपणा पुन्हा एकदा समोर आल्याचे बोलले जात आहे.

GBS रुग्णांसोबत पुणे महानगरपालिकेचा निष्काळजीपणा?

गुइलेन-बॅरे सिंड्रोमचा (GBS) पुण्यात उद्रेक झाल्याने (Guillain-Barre Syndrome outbreak in Pune) जिल्ह्यातील बाधित गावांत सध्या भीतीचे वातावरण आहे. अलिकडे पुण्यातील विविध भागात जीबीएसचे रुग्ण आढळले आहेत. दरम्यान या प्रकरणाची गंभीर दाखल आता केंद्राने घेतली आहे. केंद्राच सात सदस्यीय पथकानं आज (29 जानेवारीला) पुण्यातील नांदेड गावात भेट देत येथील विहिरीतील पाण्याची पाहणी केली आहे. केंद्रीय पथकात राष्ट्रीय रोग नियंत्रण केंद्र (दिल्ली), निम्हान्स (बंगळुरू), पुण्यातील आरोग्य आणि कुटुंब कल्याण विभागीय कार्यालय आणि राष्ट्रीय विषाणुविज्ञान संस्था (एनआयव्ही) या संस्थांमधील सात तज्ज्ञांचा समावेश आहे. तर दुसरीकडे संभाव्य परिस्थिती आटोक्यात राहावी यासाठी प्रशासनाकडूनही खबरदारी घेण्यात येत आहे. मात्र GBS च्या रुग्णांवर मोफत उपचारांसाठी नेमलेल्या कमला नेहरू रुग्णालयात एकही न्यूरोलॉजिस्ट नसल्याचे पुढे आल्याने एकच खळबळ उडाली आहे.    

भारत-इंग्लंड टी-20 मॅचवर जीबीएसचे सावट

दरम्यान, पुण्यात होणाऱ्या भारत विरुद्ध इंग्लंड टी-20 इंटरनॅशनल मॅचवर जीबीएसचे सावट आहे. या मॅचला परदेशातून ही हजारो प्रेक्षक येणारेत. हे पाहता जीबीएसचा प्रादुर्भाव वाढणार नाही, या अनुषंगाने राज्य सरकारने योग्य ती खबरदारी घेण्याच्या सूचना दिल्यात. त्या पार्श्वभूमीवर महाराष्ट्र क्रिकेट असोसिएशन मैदानावर उपाययोजना राबवत आहे. पिण्याचं पाणी तीन वेळा फिल्टर करुन घेतलं जाणार आहे.  तर लॉनसाठी आणि वापरासाठी शुद्ध पाणी वापरलं जाणार आहे. जेणेकरून प्रेक्षकांना जीबीएसचा धोका उद्भवणार नाही. जीबीएसच्या सावटाखाली होणाऱ्या या मॅचच्या अनुषंगाने उपाययोजना करण्यात आल्या असल्याची माहिती एमसीएचे जॉईंट सेक्रेटरी संतोष बोबडे यांनी दिली आहे.  

हे ही वाचा