Ramdas Athawale : 40 जण नाहीत चोर, संजय राऊतांनी करू नये शोर - रामदास आठवले
Ramdas Athawale On Sanjay Raut: ''हे 40 जण नाहीत चोर, संजय राऊतांनी करू नये शोर'', अशी शीघ्र कविता केंद्रीय मंत्री रामदास आठवले (Ramdas Athawale) यांनी केली आहे.
Ramdas Athawale On Sanjay Raut: कोण चोर आहे, कोण तुरुंगामध्ये जाऊन आले ते सगळ्यांना माहीत आहे, असे म्हणताना केंद्रीय मंत्री रामदास आठवले (Ramdas Athawale) यांनी शीघ्र कविता ही केली. ''हे 40 जण नाहीत चोर, संजय राऊतांनी करू नये शोर'', अशी शीघ्र कविता त्यांनी केली. खासदार संजय राऊत (Sanjay Raut) यांनी शिंदे गटाला उद्देशून चोरमंडळ असा उल्लेख केला होता. त्यावरच बोलताना नांदेडमध्ये पत्रकार परिषदेत रामदास आठवले (Ramdas Athawale) असे म्हणाले आहेत. ते म्हणाले आहेत की, 40 आमदार हिम्मतवाले आहेत. खरी शिवसेना त्यांचीच आहे, न्यायालयाचा निकालही मुख्यमंत्री शिंदे यांच्या बाजूने लागेल.
Ramdas Athawale On Raj Thackeray: राज ठाकरेंना सोबत घ्यायला आमचा विरोध, जास्त गर्दी करून उपयोग नाही - आठवले
जोगेंद्र कवाडे शिंदे गटात आले पण महायुतीत सामील करताना चर्चा होणे अपेक्षित होतं, असे केंद्रीय मंत्री रामदास आठवले म्हणाले. राज ठाकरेंना (Raj Thackeray) महायुतीत घेण्यास आमचा विरोध आहे. मी इथे असताना त्यांची गरज नाही. जास्त गर्दी करून उपयोग नाही. अशी प्रतिक्रिया आठवले (Ramdas Athawale) यांनी व्यक्त केली.
Ramdas Athawale On Prakash Yashwant Ambedkar: प्रकाश आंबेडकर ठाकरेंसोबत गेले त्याचा फायदा आम्हालाच होईल - आठवले
प्रकाश आंबेडकर उद्धव ठाकरेंसोबत गेले त्याचा फायदा आम्हालाच होईल, अशी प्रतिक्रिया केंद्रीय मंत्री रामदास आठवले यांनी व्यक्त केली. बहुजन विकास आघाडीने ठाकरे गटासोबत युती केली आहे, यावर बोलताना रामदास आठवले असे म्हणाले. ते म्हणाले, प्रकाश आंबेडकरांनी मी जेव्हा गेलो तेव्हाच यायला पाहिजे होते. मुंबई महापालिका निवडणुकीत वंचितचा ठाकरे गटाला फायदा होणार नाही. मुंबईत आम्ही ताकदवान आहोत. मुंबई महापालिका भाजपा जिंकेल, असा विश्वास आठवलेंनी व्यक्त केला. आमचा अडीच वर्ष उपमहापौर होईल, असे ठरल्याचे आठवले (Ramdas Athawale) म्हणाले.
दरम्यान, संजय राऊतांनी (Sanjay Raut) केलेलं हे वक्तव्य भोवण्याची शक्यता दिसत असतानाच राऊत यांनी आपल्या वक्तव्यात थोडा बदल केल्याचं दिसून आलं. माझ्याविरोधात हक्कभंग आणला तर त्यावर चर्चा होईल. मी तुरुंगात गेलेला माणूस आहे, त्यामुळे हक्कभंगाच्या कारवाईला मी घाबरत नाही अशी प्रतिक्रिया राऊतांनी दिलीये.
संबंधित बातमी:
महत्त्वाच्या बातम्या
ट्रेंडिंग न्यूज
