मुंडे बंधू-भगिनींमध्ये मिठाचा खडा टाकू नका; धनंजय मुंडेना गोपीनाथरावांचे राजकीय वारसदार ठरवणाऱ्या छगन भुजबळांवर प्रकाश महाजनांचा हल्लाबोल
Prakash Mahajan on Chhagan Bhujbal: अनेक वर्षानंतर पुन्हा एकत्र आलेल्या मुंडे भाऊ बहिणींमध्य़े मिठाचा खडा टाकू नका, असा सल्ला जेष्ठ नेते प्रकाश महाजन यांनी मंत्री छगन भुजबळ यांना दिलाय.
Prakash Mahajan on Chhagan Bhujbal : दिवंगत नेते गोपीनाथ मुंडे (Gopinath Munde) यांचे राजकीय वारसदार कोण यावरून महाराष्ट्राच्या राजकारणात पुन्हा एकदा वादळ निर्माण झाले आहे. मंत्री छगन भुजबळ (Chhagan Bhujbal) यांनी बीडमधील ओबीसी मेळाव्यात (Beed OBC Rally) धनंजय मुंडे (Dhananjay Munde) हेच गोपीनाथरावांचे खरे वारसदार असल्याचे विधान केले होते. 'अनेक वर्षांनंतर पुन्हा एकत्र आलेल्या मुंडे भाऊ बहिणींमध्ये मिठाचा खडा टाकू नका,' असा थेट सल्ला प्रकाश महाजन (Prakash Mahajan) यांनी छगन भुजबळ यांना दिला आहे. भुजबळांनी दुसऱ्यांच्या घरात वारस ठरवण्याआधी स्वतःचा वारस मुलगा की पुतण्या, हे ठरवावे, असा सवाल महाजन यांनी केला. पंकजा मुंडे (Pankaja Munde) यांना जनतेने आणि समाजानेच संघर्षानंतर वारसदार म्हणून स्वीकारले आहे, असेही ते म्हणाले. भुजबळांच्या वक्तव्याला करुणा शर्मा मुंडे (Karuna Sharma Munde) यांनी पाठिंबा दिल्याने या वादात आणखी भर पडली आहे, ज्यावरही महाजन यांनी तीव्र टीका केली आहे.
Prakash Mahajan : क्या जमाना आ गया, स्वर्गीय मुंडे साहेबांचा वारस कोण ठरवत आहेत
क्या जमाना आ गया, स्वर्गीय मुंडे साहेबांचा वारस कोण ठरवत आहेत. एक भ्रष्टाचारी कारागृहात बरेच महिने काढून आलेला आणि दुसरी जी रोज उठून आपल्याच कुंकवाची अब्रू जगाच्या वेशीवर टांगते. स्वर्गीय मुंडे साहेब यांचा वारसा मग तो सामाजिक असो किंवा राजकीय असो फक्त आणि फक्त माझी पंकूताई (Pankaja Munde) आहेत दुसरे कोणी नाही. असे म्हणत प्रकाश महाजन (Prakash Mahajan) यांनी आपलं परखड मत मांडलंय. प्रकाश महाजन यांनी या बाबत फेसबुक पोस्ट करत आपल्या भावना व्यक्त करत टीका केली आहे. करुणा मुंडे यांच्या विधानानंतर प्रकाश महाजन यांनी हि फेसबुक पोस्ट केलीय.
Prakash Mahajan on Chhagan Bhujbal: समीर भुजबळांचा वारसदार म्हटलं तर चालेल का?
कदाचीत पंकजा मुंडे (Pankaja Munde) मेळाव्याला उपस्थित नव्हत्या, म्हणून त्यानी असं केले असावे. आम्ही समीर भुजबळांचा वारसदार म्हटलं तर त्यांना चालेल का? असा सवाल हि प्रकाश महाजन यांनी मंत्री छगन भुजबळांना केला आहे. करुणा मुंडे यांनी धनंजय मुंडे यांच्यावर बोलणं थांबवलं तर मुंडे कुटुंबावर उपकार होतील. पंकजा यांना जनतेने वारसदार ठरवलं आहे. तिने संघर्षातून वारसा हा मिळवला आहे. गोपीनाथ मुंडे यांचा मेहुणा आज पंकजा हीचा मामा म्हणून सांगतो. पंकजा हीच खरी वारसदार असून पंकजा लोकसभा निवडणुकीत पडली म्हणून 5 जणांनी आत्महत्या केलीय. याची आठवणही प्रकाश महाजन यांनी यावेळी करून दिली.
आणखी वाचा
महत्त्वाच्या बातम्या
