![ABP Premium](https://cdn.abplive.com/imagebank/Premium-ad-Icon.png)
Nilesh Rane : लोकसभा जिंकताच निलेश राणेंचा कॉम्फिडन्स वाढला, थेट मंत्री उदय सामतांच्या रत्नागिरी मतदारसंघावर दावा ठोकला
Ratnagiri Vidhansabha : केंद्रीय मंत्री नारायण राणे यांनी रत्नागिरी सिंधुदुर्ग लोकसभा मतदारसंघातून मोठा विजय मिळवलाय. त्यानंतर नारायण राणे यांच्या दोन्ही सूपुत्रांनी जोरदार जल्लोष केलाय.
![Nilesh Rane : लोकसभा जिंकताच निलेश राणेंचा कॉम्फिडन्स वाढला, थेट मंत्री उदय सामतांच्या रत्नागिरी मतदारसंघावर दावा ठोकला Nilesh Rane Nilesh Rane's confidence increased as soon as he won the Lok Sabha he directly claimed the Ratnagiri constituency of Minister Uday Samant Maharashtra Politics Marathi News Nilesh Rane : लोकसभा जिंकताच निलेश राणेंचा कॉम्फिडन्स वाढला, थेट मंत्री उदय सामतांच्या रत्नागिरी मतदारसंघावर दावा ठोकला](https://feeds.abplive.com/onecms/images/uploaded-images/2024/06/05/2964f8cc5cdf76f3725fcc3190f065101717600232176924_original.jpg?impolicy=abp_cdn&imwidth=1200&height=675)
Ratnagiri Vidhansabha : केंद्रीय मंत्री नारायण राणे यांनी रत्नागिरी सिंधुदुर्ग लोकसभा मतदारसंघातून मोठा विजय मिळवलाय. त्यानंतर नारायण राणे यांच्या दोन्ही सूपुत्रांनी जोरदार जल्लोष केलाय. दरम्यान, नारायण राणे यांच्या विजयानंतर कोकणातील भाजपचा आत्मविश्वास वाढलाय. भाजप नेते निलेश राणे यांनी थेट मंत्री उदय सामंत यांच्या रत्नागिरी विधानसभा मतदारसंघावर दावा ठोकलाय. रत्नागिरी हा भाजपचा पारंपारिक मतदारसंघ आहे, असंही नितेश राणे यांनी म्हटलय. ते एबीपी माझाशी बोलत होते.
निलेश राणेंचे रत्नागिरी मतदारसंघाबाबत ट्वीट
निलेश राणे ट्वीटमध्ये लिहितात, नितेशने फक्त राजापूर मतदार संघावर भाजपचा दावा सांगितला… माझं म्हणणं आहे रत्नागिरी विधानसभा मतदार संघ पण पारंपारिक भारतीय जनता पार्टीचा आहे तो आम्हाला परत मिळावा आणि तो आम्ही घेणार
मंत्री उदय सामंत रत्नागिरीचे आमदार
मंत्री उदय सामंत हे रत्नागिरी विधानसभा मतदारसंघाचे आमदार आहेत. ठाकरे सरकारमध्ये ते उच्चशिक्षण मंत्री होती. तर शिंदे-फडणवीस सरकारमध्ये त्यांच्याकडे उद्योगमंत्रिपदाची जबाबदारी देण्यात आली आहे. उदय सामंत आत्तापर्यंत 4 वेळा रत्नागिरी विधानसभा मतदारसंघातून आमदार झाले आहेत. दोन वेळेस राष्ट्रवादी काँग्रेस पक्षाकडून त्यांनी निवडणूक लढवली तर दोन वेळेस शिवसेनेच्या तिकिटावर ते निवडून आले आहेत.
नितेशने फक्त राजापूर मतदार संघावर भाजपचा दावा सांगितला… माझं म्हणणं आहे रत्नागिरी विधानसभा मतदार संघ पण पारंपारिक भारतीय जनता पार्टीचा आहे तो आम्हाला परत मिळावा आणि तो आम्ही घेणार.
— Nilesh N Rane (Modi ka Parivaar) (@meNeeleshNRane) June 5, 2024
उदय सामंत यांना विधानसभा निवडणुकांमध्ये किती मत?
2004 विधानसभा - 63233 मत - राष्ट्रवादी काँग्रेसकडून निवडणूक लढली
2009 विधानसभा - 74245 मत - राष्ट्रवादी काँग्रेसकडून निवडणूक लढली
2014 विधानसभा -93876 मत - शिवसेनेकडून निवडणूक लढवली
2019 विधानसभा - 118484 - शिवसेनेकडून निवडणूक लढवली
उदय सामंत सध्या एकनाथ शिंदेंच्या शिवसेनेत
मंत्री उदय सामंत ठाकरे सरकारमध्ये उच्च शिक्षणमंत्री होती. मात्र, एकनाथ शिंदे यांनी 2022 मध्ये शिवसेनेत बंड केल्यानंतर ते त्यांच्यासोबत गेले. शिंदे-फडणवीस सरकारमध्ये त्यांच्याकडे उद्योगमंत्रिपदाचा पदभार त्यांच्याकडे देण्यात आला. मात्र, आता विधानसभा निवडणुका काही मतदारसंघावर असताना निलेश राणे यांनी थेट मंत्र्यांच्या मतदारसंघावर दावा ठोकल्याने महायुतीत ठिणगी पडण्याची शक्यता आहे.
इतर महत्वाच्या बातम्या
Lok Sabha Elections Results 2024 Live : PM मोदी आजच करणार सत्ता स्थापनेचा दावा, एनडीएच्या बैठकीनंतर घेणार राष्ट्रपतींची भेट; राजकीय घडामोडींची प्रत्येक अपडेट एका क्लिकवर
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)