'शिवसेना' हे नाव ही आता वापरता येणार नाही, ठाकरे आणि शिंदे गटाने काय दिल्या प्रतिक्रिया

Shiv Sena Symbol News: ठाकरे आणि शिंदे गटाला निवडणूक आयोगाने मोठा धक्का दिला आहे. निवडणूक आयोगाने शिवसेनेचे धनुष्यबाण हे चिन्ह गोठवलं आहे.

Shivsena

Shiv Sena Symbol News: ठाकरे आणि शिंदे गटाला निवडणूक आयोगाने मोठा धक्का दिला आहे. निवडणूक आयोगाने शिवसेनेचे धनुष्यबाण हे चिन्ह गोठवलं आहे. यासोबतच या दोन्ही गटांना निवडणुकीत आता शिवसेना हे नाव वापरता येणार नाही, असा निर्णय ही निवडणूक आयोगाने घेतला आहे. असं असलं तर निवडणूक आयोगाने घेतलेला हा निर्णय फक्त पोटनिवडणूक पुरता मर्यादित आहे. निवडणूक आयोगाच्या या निर्णयावर ठाकरे आणि शिंदे गटाच्या नेत्यांनी आपापल्या प्रतिक्रिया दिल्या आहेत. 

पुढील रणनीती आम्ही ठरू : शिंदे गट 

निवडणूक आयोगाच्या या निर्णयावर शिंदे गटाचे प्रवक्ते भरत गोगावले म्हणाले आहेत की, ''निवडणूक आयोगाने जो निर्णय दिला आहे, तो आम्हला स्वीकारावा लागणार आहे. दोन्ही बाजूने प्रयत्न झाले. परंतु निवडणूक आयोगाने जो निर्णय दिला आहे, तो स्वीकारणं आता बंधनकारक आहे. आता पुढची रणनीती काय आहे ते आम्ही ठरू.'' ते म्हणाले, ''आमच्या बाजूने झाला असता तर हा मोठा निर्णय झाला असता, मात्र आता निवडणूक आयोगाने जो निर्णय दिला आहे. तो आम्हला मानावा लागेल.''  

या निर्णयाविरोधात आम्हाला काही बोलायचे नाही: ठाकरे गट  

या निर्णयावर प्रतिक्रिया देताना ठाकरे गटाचे खासदार विनय राऊत यांनी देखील आपली प्रतिक्रिया दिली आहे. ते म्हणाले आहेत की, ''निवडणूक आयोगाने जो निर्णय दिला आहे, त्याविरोधात आम्हाला काही बोलायचे नाही. या निर्णयाच्या अनुषंगाने पुढे काय पावले उचलावी, यावर आम्ही पक्षप्रमुख उद्धव ठाकरे यांच्याशी चर्चा करू. तसेच निवडणूक आयोगाच्या मार्गदर्शक तत्वानुसार नाव आणि धनुष्यबाण याबाबतची चर्चा करून निवडणूक आयोगाला पत्र लवकरच पाठवू.''  यावरच बोलताना ठाकरे गटाचे खासदार अनिल देसाई म्हणाले आहेत की, हा निर्णय अनपेक्षित होता. हा निर्णय धक्कादायक आहे.    

दरम्यान, ठाकरे आणि शिंदे गटाकडून निवडणूक आयोगासमोर आपापले दावे करण्यात आले होते. ठाकरे गट आणि शिंदे गटाच्या दाव्यानंतर निवडणूक आयोगाची मॅरेथॉन बैठक पार पडली आणि या बैठकीत दोन्ही दाव्यांवर विचार करण्यात आला. त्यानंतर शिवसेनेचं चिन्ह धनुष्यबाण गोठवण्यात आल्याचं आयोगाकडून सांगण्यात आले आहे.

संबंधित बातम्या: