एक्स्प्लोर

Vidhan Parishad Election : 'बविआ'ची तीन निर्णायक मतं कुणाच्या पारड्यात? हितेंद्र ठाकुरांचे स्पष्ट संकेत

Hitendra Thakur : आपले सर्व पक्षांसोबत चांगले संबंध असून ज्याला आपण मतं देऊ तो निवडून येईल अस बहुजन विकास आघाडीचे हितेंद्र ठाकुर म्हणाले.

By : वेदांत नेब | Edited By: अभिजीत जाधव | Updated at : 09 Jul 2024 07:26 PM (IST)

Hitendra Thakur

Source : Other

मुंबई : राज्यात विधानपरिषदेच्या 11 जागांसाठी होणाऱ्या निवडणुकीसाठी महाविकास आघाडी आणि महायुतीने कंबर कसली असून आपापले उमेदवार निवडून आणण्यासाठी राजकीय गणित मांडलं जात आहे. त्यामध्ये हितेंद्र ठाकुर (Hitendra Thakur) यांच्या बहुजन विकास आघाडीची तीन मतं निर्णायक ठरण्याची शक्यता आहे. ही तीन मतं नेमकी कोणाच्या पारड्यात पडणार याची उत्सुकता सर्वांना लागली आहे. जो आमची कामं करेल त्याला मत देऊ, आणि ज्याला मत देऊ तो उमेदवार निवडून येईल अशा विश्वास हितेंद्र ठाकुर यांनी व्यक्त केला आहे.

हितेंद्र ठाकूर यांच्याकडे असलेल्या मतांवर दोन्ही बाजूंचा डोळा आहे. त्यासाठी महाविकास आघाडी आणि महायुतीच्या नेत्यांच्या त्यांच्याशी भेटीगाठी सुरू असल्याचं दिसतंय.

हितेंद्र ठाकुर म्हणाले की, माझे सगळ्या पक्षांसोबत चांगले संबंध आहेत. मुख्यमंत्री, उपमुख्यमंत्री ही माझी कामं करतात, त्यासाठी मी त्यांना भेटतो. तुम्ही फक्त चार-पाच नाव घेऊ नका, मी सर्व नेत्यांशी भेटतो आणि माझे चांगले संबंध आहेत.

आमची तीन मतं जर गेमचेंजर ठरत असतील तर पुढच्या वेळेस मी अधिक उमेदवार निवडून आणेन असं हितेंद्र ठाकुर म्हणाले. ते म्हणाले की, "मिलिंद नार्वेकर माझे चांगले मित्र आहेत. शेकापचे जयंत पाटीलसुद्धा चांगले मित्र आहेत. आम्ही तीन मतं कुणाला द्यायची याचा निर्णय घेऊ. जो आमची कामं करेल त्याला मत देऊ, आणि ज्याला मत देऊ तो उमेदवार निवडून येईल."

जिंकण्यासाठी 23 मतांचा कोटा

विधानपरिषदेच्या निवडणुकीसाठी 23 मतांचा कोटा असेल. विधानसभेत महाविकास आघाडी आणि महायुतीमध्ये कोणाची किती ताकद असेल आणि अकरावी जागा निवडून आणण्यासाठी मतांची जुळवाजुळव कशी करावी लागणार याची आकडेवारी जाणून घेऊयात,