Maharashtra Cabinet Expansion: नितेश राणेंपासून पंकजा मुंडे, गणेश नाईकांपर्यंत...एका नावाने सर्व आर्श्चयचकित, भाजपकडून मंत्रिपदासाठी कोणा कोणाला फोन?
Maharashtra Cabinet Expansion: भाजपकडून 19 आमदारांना मंत्रिपदासाठी फोन केल्याची माहिती समोर येत आहे.
Maharashtra Cabinet Expansion: महायुती सरकारमधील नव्या मंत्र्यांचा शपथविधी (Maharashtra Cabinet Expansion) आज (15 डिसेंबर) पार पडणार आहे. आज संध्याकाळी चार वाजता हा शपथविधी सोहळा होईल. मंत्रिमंडळात भाजपचे 21 शिवसेनेचे 12 तर राष्ट्रवादीचे 10 मंत्री असणार आहेत. त्यापैकी मुख्यमंत्री देवेंद्र फडणवीस (Devendra Fadnavis) आणि उपमुख्यमंत्री एकनाथ शिंदे (Eknath Shinde) आणि उपमुख्यमंत्री अजित पवार (Ajit Pawar) यांनी शपथ घेतलीय. त्यामुळे आता भाजपचे 20, शिवसेनेचे 11 तर राष्ट्रवादीचे 9 आमदार आज मंत्रिपदाची शपथ घेणार असल्याची माहिती आहे. याचदरम्यान भाजपचे प्रदेशाध्यक्ष चंद्रशेखर बावनकुळे (Chandrashekhar Bawankule) यांनी भाजपच्या संभाव्य मंत्र्यांना फोन करण्यास सुरुवात केली आहे.
भाजपकडून संभाव्य मंत्र्यांना फोन जाण्यास सुरुवात झाली आहे. चंद्रशेखर बावनकुळे यांनी नितेश राणे, शिवेंद्रराजे भोसले, मंगलप्रभात लोढा, पंकज भोयर, चंद्रकांत पाटील, पंकजा मुंडे यांना मंत्रिपदासाठी फोन केल्याची माहिती समोर आली आहे. विशेष म्हणजे वर्धामधील आमदार पंकज भोयर यांना देखील मंत्रिपदाची लॉटरी लागणार आहे. आतापर्यंत भाजपच्या संभाव्य मंत्रि‍पदाच्या यादीत पंकज भोयर यांचं नाव समोर आलं नव्हतं. मात्र आज चंद्रशेखर बावनकुळे यांनी पंकज भोयर यांना मंत्रिपदासाठी फोन केल्याचं समोर आलं आहे. त्यामुळे सर्वांना आर्श्चयाचा धक्का बसला.
भाजपकडून 19 आमदारांना मंत्रिपदासाठी फोन-
भाजपकडून 19 आमदारांना मंत्रिपदासाठी फोन केल्याची माहिती समोर येत आहे. स्वतः प्रदेशाध्यक्ष चंद्रशेखर बावनकुळे फोन करत आहेत. त्यामुळे भाजपचे मुख्यमंत्री आणि आज शपथ घेणारे 19 लोक असे 20 मंत्री राहतील. अजित पवार यांचे आज 9 मंत्री शपथ घेतील. (अजितदादा धरून राष्ट्रवादीचे 10 मंत्री होतील), तर एकनाथ शिंदे यांचे 11 मंत्री आज शपथ घेतील.(एकनाथ शिंदे यांना धरून शिवसेनेचे 12 मंत्री होतील..) काही जुन्या मंत्र्यांना वगळून त्यांच्या ऐवजी नव्या दमाच्या आमदारांना मंत्रिपदाची संधी दिली जात असल्याची माहिती आहे. भाजपचे 20 शिवसेनेचे 12 आणि राष्ट्रवादी काँग्रेसचे 10 असे 42 मंत्री आता मंत्रिमंडळात राहतील. तर 1 जागा रिक्त राहण्याची शक्यता आहे.
आतापर्यंत भाजपकडून कोणा कोणाला मंत्रिपदासाठी फोन-
नितेश राणे
शिवेंद्रराजे भोसले
चंद्रकांत पाटील
पंकज भोयर
मंगलप्रभात लोढा
गिरीश महाजन
जयकुमार रावल
पंकजा मुंडे
राधाकृष्ण विखे पाटील
गणेश नाईक
मेघना बोर्डीकर
जयकुमार गोरे,
अतुल सावे
आतापर्यंत शिवसेनेकडून कोणा कोणाला मंत्रिपदासाठी फोन-
भरत गोगावले
उदय सामंत
प्रताप सरनाईक
योगेश कदम
आशिष जैस्वाल
गुलाबराव पाटील
शंभूराजे देसाई
प्रकाश आबीटकर
संजय राठोड
मंत्रिपदाची माळ कोणाच्या गळ्यात, VIDEO:
संबंधित बातमी:
महत्त्वाच्या बातम्या
ट्रेंडिंग न्यूज
