Ajit Pawar : लोकसभेत ईव्हीएम कसं वाटायचं, गारगार वाटायचं, आता कसं वाटतंय...; अजित पवारांची जोरदार बॅटिंग; म्हणाले, तुमचा करेक्ट कार्यक्रम झालाय!
Ajit Pawar Speech : उपमुख्यमंत्री अजित पवार यांनी विधानसभेतील पहिल्या भाषणात महाविकास आघाडीवर जोरदार हल्लाबोल केलाय.
मुंबई : राज्यात महायुती सरकार (Mahayuti Government) पुन्हा सत्तेत आल्यानंतर विधानसभेच्या विशेष अधिवेशनाच्या तिसऱ्या दिवशी भाजपचे आमदार राहुल नार्वेकर (Rahul Narvekar) यांची सलग दुसऱ्यांदा विधानसभा अध्यक्षपदी निवड झाली. यानंतर त्यांच्या अभिनंदनासाठी केलेल्या भाषणावेळी उपमुख्यमंत्री अजित पवार (Ajit Pawar) यांनी तुफान फटकेबाजी केली. आपला करेक्ट कार्यक्रम झाला आहे, असा टोला त्यांनी जयंत पाटील यांच्याकडे बघून लगावला. तर लोकसभेत ईव्हीएम कसं वाटायचं, गारगार वाटायचं. आता कसं वाटतंय, गरम वाटतंय की कसं तुम्हीच बघा, असे म्हणत त्यांनी महाविकास आघाडीला डिवचले.
अजित पवार म्हणाले की, महाराष्ट्राच्या विधानसभा अध्यक्षपदी राहुल नार्वेकर यांची बिनविरोध निवड झाल्याबद्दल मी त्यांचे अभिनंदन करतो. त्यांना पुढील वाटचालीकरिता शुभेच्छा देतो. नेतृत्त्व गुणांची त्यांची ही पोचपावती आहे. तुमच्या राजकीय जीवनाची सुरुवात शिवसेनेतून झाली. मी तुम्हाला म्हटलो की, लोकसभा निवडणूकीत तुम्ही उभं रहा, जर अपयश आलं तर तुम्हाला या सभागृहात संधी देऊ, असे म्हटले होते. मी तुम्हाला इकडे आणले आणि देवेंद्र फडणवीस हे तु्म्हाला तिकडे घेऊन गेले.
अजित पवारांचा जयंत पाटलांना टोला
अजित पवार पुढे म्हणाले की, निवडणूक काळात काही लोक संविधान हातात घ्यायचे. मात्र संविधान हातात घेतलं की, आदर वाढतो. म्हणजे बाकीच्यांना आदर नाही का? एकनाथ शिंदे म्हणाले की कोर पान होती. त्यात मला जायचे नाही, असे त्यांनी म्हटले. तर विरोधकांनी अधिवेशनाच्या पहिल्या दिवशी आमदारकीची शपथ घेतली नाही. यावरून अजित पवार यांनी विरोधकांवर निशाणा साधला. 'मी म्हटलं होतं की आज नाही शपथ घेतली तर उद्या घेतील आणि तसेच झाले. निवडणूक घेण्याचा अधिकार निवडणूक आयोगाचा आहे. काही तरी स्टंटबाजी करायची. आम्हाला ही मारकडवाडी संदर्भात आदर आहे. लक्षात घ्या की आपला करेक्ट कार्यक्रम झाला आहे, असा टोला त्यांनी जयंत पाटील यांच्याकडे बघून लगावला.
आता तरी डोळे उघडा
लोकसभा निवडणुकीत ईव्हीएम कसं वाटायचं, गारगार वाटायचं. आता कसं वाटतंय गरम वाटतंय की कसं तुम्ही बघा, असे म्हणत अजित पवार यांनी महाविकास आघाडीला डिवचले. 237 महायुतीचे निवडून आले. कधीही ही एवढे निवडून आले नाही. आता तरी डोळे उघडा. लाडक्या बहि‍णींनी आम्हाला इथं बसवलंय, असा फटकेबाजी अजित पवारांनी केली.
गुलाबी जॅकेट मुख्यमंत्र्यांना दिलंय
दरम्यान, अजित पवार हे विधानसभा निवडणुकीआधी गुलाबी जॅकेट परिधान करत होते. मात्र आज दुसऱ्या रंगाचे जॅकेट परिधान केल्याने काँग्रेस आमदार नाना पटोले यांनी अजित पवार यांना गुलाबी जॅकेट कुठे आहे. असा प्रश्न विचारला. यावर अजित पवार म्हणाले की, गुलाबी जॅकेट मुख्यमंत्र्यांना दिलंय काही अडचण आहे का? आता विरोधकांना कलर ही ओळखता येत नाही, असा टोला त्यांनी यावेळी नाना पटोले यांना लगावला.
आणखी वाचा
महत्त्वाच्या बातम्या
ट्रेंडिंग न्यूज
