Nashik News : वय अवघे 22 वर्ष, सिन्नरचा सिद्धिविनायक महाराज म्हणून युट्युबवर प्रसिद्ध, मात्र मोलकरणीसोबत केला भलताच कांड!
Nashik News : अश्लील व्हिडिओ बनवून व्हायरल करणाऱ्या स्वयंघोषित महाराजास सिन्नर पोलिसांनी बेड्या ठोकल्या आहे.
नाशिक : आजकाल भोंदूबाबा बुवांचे लोण सर्वत्र पसरले असून यातून अनेकदा फसवणुकीचे प्रकार केले जातात. सोशल मीडियाचा (Social Media) आधार घेऊन फोटो मॉर्फ करून फसवणुकीचे (Fraud) प्रकार सर्रास घडत आहेत. असाच काहीसा प्रकार नाशिकमध्ये उघडकीस आला आहे. मोलकरीण म्हणून घरी येणाऱ्या महिलेचे मॉर्फिंग करत त्याचा वापर करून अश्लील व्हिडिओ बनवून ते सोशल मीडियावर व्हायरल करणाऱ्या स्वयंघोषित महाराजास सिन्नर पोलिसांनी बेड्या ठोकल्या आहे.
संगमनेर (Sangamner) येथील रहिवाशी असलेल्या राहुल घुले हा सिन्नरमधील (Sinner) नायगाव रोड भागातील एका शिक्षकाच्या घरात भाडेकरारावर वास्तव्यास होता. तेथून तो बुवाबाजीच्या नावाखाली लोकांची आर्थिक लूट करत होता. त्याच्याकडे उद्योग भवन परिसरातील 33 वर्षीय महिला मोलकरीण म्हणून कामाला येत होती. या महिलेचा चेहरा मार्फिंग करत राहुल घुले याने तिचे अश्लील व्हिडीओ बनवले. महिलेच्या नावाने इन्स्टाग्राम आणि फेसबुकवर फेक अकाउंट उघडून व्हिडिओ त्यावर अपलोड केले. याशिवाय तिच्या नातलगांनाही पाठवले. ही बाब महिलेच्या निदर्शनास आल्यानंतर या भोंदूबाबाच्या विरोधात महिलेने दिलेल्या फिर्यादीवरून 26 ऑक्टोबरला सिन्नर पोलिस ठाण्यात (Sinner Police) माहिती तंत्रज्ञान अधिनियम कायद्यान्वये गुन्हा दाखल करण्यात आला होता.
दरम्यान या तरुणाने मोलकरीण म्हणून येत असलेल्या महिलेस भूलथापा देऊन तिचा अश्लिल व्हिडीओ तयार केला होता. त्यानंतर सदर व्हिडीओ संबंधित महिलेच्या पतीच्या व्हॉटसअॅपला (WhatsApp) टाकला. त्याचबरोबर संबंधित महिलेच्या नातेवाईकांना देखील पाठविण्यात आला होता. यानंतर पीडित महिलेने सिन्नर पोलीस ठाणे गाठत या प्रकरणी गुन्हा दाखल करण्यात आला होता. गुन्हा दाखल करण्यापूर्वीच भोंदूबाबा सिन्नरमधून गायब होता. पोलिसांनी नागपूर, मुंबई, पुणे अशा वेगवेगळ्या ठिकाणी लोकेशन ट्रॅक करत या बाबाचा माग काढला. मात्र, तो वारंवार लोकेशन बदलत असल्याने पोलिसांच्या हाती लागत नव्हता. रविवारी तो संगमनेरला आल्याची माहिती पोलिसांना मिळाली. पोलिसांच्या पथकाने सापळा रचत त्याला शिताफीने ताब्यात घेतले.
सिध्दीविनायक बाबा नावाने युट्युब चॅनल
दरम्यान अश्लील व्हिडीओ असलेला त्या मोबाईल पोलिसांनी शिर्डी येथून एका लॉजमधून ताब्यात घेतला. मोबाईलची तपासणी केली असताना पोलिसांना धक्कादायक माहिती मिळाली. युट्युबवर सिद्धिविनायक महाराज नावाने त्याचे अकाउंट असल्याचे समोर आले. काही महिन्यांपूर्वी याच सिद्धिविनायक महाराज उर्फ राहुल घुले याने सिन्नर शहरात नायगाव रोड परिसरात राहत असलेल्या एकाची दुचाकी पाच ते दहा मिनिटांसाठी घेतली होती, ती परत दिलीच नाही. नंतर पोलीस तपासात ती दुचाकी नागपूर (Nagpur) असल्याचे निदर्शनास आले. दरम्यान पोलिस निरीक्षक राजेंद्र कुटे यांच्या मार्गदर्शनाखाली पथकाने कसून शोध घेत राहुल घुले यास अटक केली. त्याला न्यायालयात हजर केले असता दोन दिवसांची पोलिस कोठडी देण्यात आली.
इतर महत्वाची बातमी :
महत्त्वाच्या बातम्या
ट्रेंडिंग न्यूज
and tablets
