विदर्भातील गँगस्टर संतोष आंबेकरचा आलिशान बंगला जमीनदोस्त
नागपूर पोलिसांच्या गुन्हे शाखेने मनपा आयुक्त तुकाराम मुंढे यांच्याकडे आंबेकर याचे प्रकरण सांगून त्यांचा अनधिकृत बंगला पडण्याची कारवाई अडकल्याचे सांगितले. तुकाराम मुंढे यांनी गेले अनेक आठवडे अडकलेली कारवाई लगेच करण्याचे आदेश दिले
नागपूर : विदर्भाचा स्वयंघोषित डॉन गँगस्टर संतोष आंबेकरच्या नागपुरातील अनधिकृत बंगल्यावर पालिकेचा हातोडा पडला आहे. यासाठी मोठा पोलीस फौजफाटा ही तैनात करण्यात आला होता. पोलिसांच्या ठोस पाठपुराव्यानंतर महापालिकेने कारवाई केली आहे. पोलीस उपायुक्त राजमाने आणि मनपा आयुक्त तुकाराम मुंढे यांची खास भूमिका आहे.
इतवारी परिसरात संतोष आंबेकर याचा प्रशस्त आणि जयपुरी गुलाबी दगडाने सजवलेला कोट्यवधींचा बंगला आहे. त्याने अनेक गुन्हे याच ठिकाणी केल्याची चर्चा आहे. ऑक्टोबर महिन्यापासून पोलिसांनी आंबेकर टोळी विरोधात कारवाई सुरू केल्यापासून त्याच्या दहशतीचा पर्याय ठरलेल्या हा बंगला पोलिसांकडून पाडला जाईल अशी चर्चा होती. मात्र, महापालिकेकडून पोलिसांना अपेक्षित साथ मिळत नव्हती.
नागपूर पोलिसांच्या गुन्हे शाखेने मनपा आयुक्त तुकाराम मुंढे यांच्याकडे आंबेकर याचे प्रकरण सांगून त्यांचा अनधिकृत बंगला पडण्याची कारवाई अडकल्याचे सांगितले. तुकाराम मुंढे यांनी गेले अनेक आठवडे अडकलेली कारवाई लगेच करण्याचे आदेश दिले आणि आज महापालिकेच्या अतिक्रमण विरोधी पथकाने बंगला पाडण्यास सुरुवात केली आहे.
Nagpur Crime | नागपुरातील चहावाला स्वयंघोषित डॉन कसा झाला? | स्पेशल रिपोर्ट | ABP Majha
नागपूरच्या इतवारी परिसरातला हा बंगला नुसता अनधिकृत नाही तर गेले दोन दशके नागपूरात दहशतीचा केंद्रबिंदू बनला होता. फक्त नागपूरचा नव्हे तर विदर्भाचा स्वयंघोषित डॉन संतोष आंबेकर येथेच राहून आपली गँग चालवायचा. 12 ऑक्टोबर रोजी नागपूर पोलिसांच्या गुन्हे शाखेचे संतोष आंबेकरला अटक करत त्याच्या विरोधात ठोस कारवाई सुरू केली. त्यानंतर संतोष आंबेकर आणि त्याच्या टोळी विरोधात एका नंतर एक गंभीर तक्रारी पोलिसांकडे येऊ लागल्या होत्या. यामध्ये धमकावणे, खंडणी मागणे, मारहाण करणे, बलात्कार करणे, अवैध सावकारी करणे, नोटा बदलून देण्याच्या नावाखाली व्यापाऱ्यांची फसवणूक करणे असे अनेक गुन्हे संतोष आंबेकर आणि त्याच्या टोळी यांच्या विरोधात नागपुरातील विविध पोलीस स्टेशनमध्ये दाखल झाले होते.
इतवारी परिसरात आंबेकर याचा बंगला पाडला जात आहे ही बातमी पसरताच नागरिकांनी गर्दी केली.बंगला प्रशस्त असल्याने पुढील दोन तीन दिवस ही कारवाई चालण्याची शक्यता आहे.
संबंधित बातम्या :
नागपूर महापालिकेच्या सर्वसाधारण सभेत तुकाराम मुंढे अन् नगरसेवकांमध्ये कलगीतुरा
Before You Go
Abhijeet Dipke On Narendra Modi : मोदींची डिग्री खरी असावी.. अभिजीत दिपके थेटच बोलले..
महत्त्वाच्या बातम्या
