Nagpur Accident : शिकवनी वर्ग आटोपून घरी परतणाऱ्या चिमूकल्यावर काळाचा घाला, ऑटोतून खाली उतरतांना ट्रकने चिरडलं; आई अन् बहिणीच्या डोळ्यादेखत दुर्दैवी अंत!
Nagpur Accident News: नागपूर शहरात एक विचित्र अपघाताची घटना घडली आहे. आईसोबत ऑटोतून खाली उतरत असतांना एका सात वर्षीय चिमुकल्याला ट्रकने चिरडल्याची (Accident News) घटना घडली आहे.
Nagpur Accident News: नागपूर शहरात एक विचित्र अपघाताची घटना घडली आहे. आईसोबत ऑटोतून खाली उतरत असतांना एका सात वर्षीय चिमुकल्याला ट्रकने चिरडल्याची (Accident News) घटना घडली आहे. नागपूरच्या (Nagpur) हिंगणा टी पॉईंटवर ही घटना घडली असून आईच्या डोळ्यादेखत या चिमूकल्याचा दुर्दैवी अंत झाला आहे. आहान नायक असे या सात वर्षीय मुलाचे नाव असून शिकवानी वर्ग आटोपवून आई व बहिणीसोबत घरी परत येत असतांना ही घटना घडलीय.
पुढे आलेल्या माहितीनुसार, अपघातानंतर जखमी अस्वस्थेत असलेल्या आहानला स्थानिकांनी रुग्णालयात भरती केले. मात्र उपचार सुरू करण्यापूर्वीच डॉक्टरांनी त्याला मृत घोषित केले. एमआयडीसी पोलिसांनी ट्र्क चालकाला अटक केली असून पुढील तपास सुरु आहे. मात्र या घटनेने परिसरात एकच खळबळ उडाली आहे.
वाहन उलटून झालेल्या अपघातात महिलेचा मृत्यू, तर सात जण जखमी
नातेसंबंधातील विवाहासाठी जाणाऱ्या वऱ्हाड्यांचं वाहन अनियंत्रित होऊन लगतच्या शेतात चार पलट्या खात पलटलं. या भीषण अपघातात एका महिलेचा मृत्यू झाला असून सात जण जखमी झाले आहेत. त्यातील एकाची प्रकृती चिंताजनक असल्यानं उपचारासाठी भंडारा इथं हलविण्यात आलं आहे. ही घटना भंडाऱ्याच्या तुमसर तालुक्यातील साखळी - मिटेवाणी मार्गावर काल सायंकाळी घडली. संगीता सलामे (३८) असं मृतक महिलेचे नावं असून तुमसरचे माजी नगरसेवक तथा आदिवासी नेते लक्ष्मीकांत सलामे यांची ती पत्नी आहे. सलामे कुटुंबीय नातेवाईकाकडं एका विवाहासाठी जात असताना समोरील वाहनाला ओव्हरटेक करण्याच्या प्रयत्नात चालकाचं वाहनावरील नियंत्रण सुटल्यानं हा अपघात घडल्याची प्राथमिक माहिती आहे. यात चालक हा गंभीर जखमी असून त्याला पुढील उपचारासाठी भंडाऱ्यात हलवण्यात आलं असून उर्वरित जखमींवर तुमसर उपजिल्हा रुग्णालयात उपचार करण्यात येत आहे.
मोबाईल चोर सख्ख्या भावांना अटक, नांदेड ग्रामीण पोलिसांची कारवाई
नांदेडच्या ग्रामीण पोलीस ठाण्याच्या हद्दीत पोलिसांनी तीन चोरट्यांना अटक केलीय. या चोरट्यांकडून पोलिसांनी चोरीची एक दुचाकी आणि मोबाईल जप्त केले आहेत. आरोपीमध्ये यश कांबळे आणि तेजस कांबळे या सख्ख्या भावंडांचा समावेश आहे तर सोमेश शेरकर या त्यांच्या तिसऱ्या साथीदाराला अटक करण्यात आलीय. जवळपास सव्वा लाखांचा मुद्देमाल या तिघांकडून जप्त करण्यात आला असून तिन्ही चोरटे अवघे 18 ते 20 या वयोगटातील आहेत.
इतर महत्वाच्या बातम्या
महत्त्वाच्या बातम्या
