Mumbai Corona Update : सोमवारी मुंबईत 56 नव्या रुग्णांची भर, 639 सक्रीय रुग्ण

Mumbai Corona Update : बीएमसीने दिलेल्या आकडेवारीनुसार, सोमवारी मुंबईत 56 नव्या रुग्णांची भर पडली आहे.

mumbai corona update

Mumbai Corona Update : मुंबईतील दैनंदिन कोरोना रुग्णांच्या संख्येत चढउतार पाहायला मिळत आहे. बीएमसीने दिलेल्या आकडेवारीनुसार, सोमवारी मुंबईत 56 नव्या रुग्णांची भर पडली आहे. सोमवारी तीन रुग्णांना उपचारासाठी रुग्णालयात दाखल करण्यात आले आहे. मागील 24 तासांत मुंबईत एकाही कोरोनाबाधित रुग्णाचा मृत्यू झाला नाही. सोमवारी 45 रुग्णांनी कोरोनावर मात केली आहे. 

बीएमसीने दिलेल्या आकडेवारीनुसार, मुंबईत सोमवारी एकाही कोरोनाबाधित रुग्णाचा मृत्यू झाला नाही. तर गेल्या 24 तासात मुंबईमध्ये 45 रुग्ण कोरोनामुक्त झाले आहेत. मुंबईमध्ये सध्या 639 सक्रीय रुग्ण आहेत. मुंबईमध्ये आतापर्यंत 10,39,768 रुग्ण कोरोनामुक्त झाले असून बरे झालेल्या रुग्णांचे प्रमाण हे 98 टक्के इतकं आहे. तसेच मुंबईतील रुग्ण दुप्पटीचा कालावधी कालावधी 7989 झाला आहे. तसेच कोरोना वाढीचा दर 0.008 टक्के इतका आहे.

#CoronavirusUpdates
2nd May, 6:00pm

Positive Pts. (24 hrs) - 56
Discharged Pts. (24 hrs) - 45

Total Recovered Pts. - 10,39,768

Overall Recovery Rate - 98%

Total Active Pts. - 639

Doubling Rate -7989 Days

Growth Rate (25th April- 1st May)- 0.008%#NaToCorona

— माझी Mumbai, आपली BMC (@mybmc) May 2, 2022

सर्वाधिक सक्रीय रुग्ण मुंबईत 

राज्यात सर्वाधिक सक्रीय रुग्ण मुंबईममध्ये आहेत. मुंबईमध्ये 639 सक्रीय रुग्ण आहेत. तर पुण्यात 215 सक्रीय रुग्ण आहेत. त्यानंतर ठाण्यात 81 सक्रीय रुग्ण आहेत. नाशिक 10, अहमदनगर 16,  रायगड 12 सक्रीय रुग्ण आहेत. इतर ठिकाणी सक्रीय रुग्णांची संख्या 10 पेक्षा कमी आहे. राज्यात एकूण 1016 सक्रिय रुग्ण आहेत.

राज्यात आज 92 कोरोना रुग्णांची नोंद

राज्यातील कोरोनाच्या रुग्णसंख्येत चढ उतार  होताना दिसत आहे.  सोमवारी राज्यात  92 रुग्णांचे निदान झाले आहे.  राज्यातील  ॲक्टिव्ह रुग्णसंख्या देखील हजारापार गेली आहे.  राज्यात सध्या  1016 अॅक्टिव्ह रुग्ण आहे. तसेच गेल्या चोवीस तासात एका कोरोनाबाधित रुग्णांचा मृत्यू झाला आहे. राज्यात गेल्या 24 तासात 70  रुग्ण कोरोनामुक्त होऊन घरी परतले आहेत.

संबंधित बातम्या