![metaverse](https://cdn.abplive.com/imagebank/metaverse-top.png)
Maharashtra Corona Update : राज्यात सोमवारी 92 रुग्णांची नोंद तर सक्रिय रुग्ण हजारापार
Maharashtra Corona Update : सोमवारी राज्यात 92 रुग्णांचे निदान तर 70 रुग्ण कोरोनामुक्त होऊन घरी परतले आहेत.
![Maharashtra Corona Update : राज्यात सोमवारी 92 रुग्णांची नोंद तर सक्रिय रुग्ण हजारापार Maharashtra Corona Update patients 70 discharged today 92 new cases in the state today Maharashtra Corona Update : राज्यात सोमवारी 92 रुग्णांची नोंद तर सक्रिय रुग्ण हजारापार](https://feeds.abplive.com/onecms/images/uploaded-images/2022/05/01/f6b371311681a806cbdbd20ee202ea2b_original.jpg?impolicy=abp_cdn&imwidth=1200&height=675)
मुंबई : राज्यातील कोरोनाच्या रुग्णसंख्येत (Corona Update) चढ उतार होताना दिसत आहे. सोमवारी राज्यात 92 रुग्णांचे निदान झाले आहे. राज्यातील ॲक्टिव्ह रुग्णसंख्या देखील हजारापार गेली आहे. राज्यात सध्या 1016 अॅक्टिव्ह रुग्ण आहे. तसेच गेल्या चोवीस तासात एका कोरोनाबाधित रुग्णांचा मृत्यू झाला आहे. राज्यात गेल्या 24 तासात 70 रुग्ण कोरोनामुक्त होऊन घरी परतले आहेत.
राज्यात आज एका कोरोना रुग्णांचा मृत्यू
राज्यात आज एका कोरोना रुग्णांच्या मृत्यूची नोंद झाली आहे. राज्याचा मृत्यूदर 1.87 टक्के झाला आहे. राज्यात आतापर्यंत 77,29, 133 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 98.11 टक्के झाले आहे. राज्यात आजपर्यंत 8,02,26, 370 प्रयोगशाळा तपासण्या करण्यात आल्या आहे.
राज्यात सध्या 1016 अॅक्टिव्ह रुग्ण
राज्यात सध्या 1016 अॅक्टिव्ह रुग्ण आहे. यामध्ये राज्यात सर्वाधिक अॅक्टिव्ह रुग्ण मुंबईमध्ये आहेत. मुंबईत 639 अॅक्टिव्ह रुग्ण आहे. त्या खालोखाल अॅक्टिव्ह रुग्ण पुण्यात आहे. पुण्यात 215, ठाण्यात 81 अॅक्टिव्ह रुग्ण आहे.
गेल्या 24 तासांत देशात 3157 नवे रुग्ण
देशातील कोरोना संसर्गाचा आलेख घटताना पाहायला मिळत आहे. सलग दुसऱ्या दिवशी कोरोना रुग्णांच्या संख्येत किंचित घट झाली आहे. देशात गेल्या 24 तासांत 3157 नवे कोरोना रुग्ण आढळले आहेत. यामुळे देशातील सक्रीय रुग्णांची संख्या 19 हजार 500 वर पोहोचली आहे. तर रविवारी दिवसभरात 50 रुग्णांचा मृत्यू झाला आहे. काल देशात 3324 नवीन कोरोनाबाधितांची नोंद आणि 40 जणांचा मृत्यू झाला. देशातील सध्याची कोरोनाची परिस्थिती काय आहे जाणून घ्या. केंद्रीय आरोग्य मंत्रालयाने जारी केलेल्या आकडेवारीनुसार, देशातील सक्रिय रुग्णांची संख्या 19 हजार 500 इतकी झाली आहे. रविवारी दिवसभरात देशात 2723 रुग्ण कोरोनामुक्त झाले आहेत. आतापर्यंत 4 कोटी 25 लाख 38 हजार 976 जण कोरोना संसर्गातून बरे झाले आहेत. गेल्या 24 तासांत 50 कोरोनोरुग्णांचा मृत्यू झाला आहे. भारतात कोरोनामुळे जीव गमावणाऱ्यांची संख्या 5 लाख 23 हजार 843 झाली आहे. देशातील कोरोना संसर्गाचा दैनंदिन दर 0.04 टक्क्यांवर पोहोचला आहे. रविवारी दिवसभरात देशात 2 लाख 95 हजार 588 नमुन्यांची चाचणी करण्यात आली.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)