आम्ही मिहीरला घेऊन पळून गेलो कारण... बहिणीनं सांगितलं कारण; कावेरी नाखवांच्या मारेकऱ्याची महत्त्वाची कबुली
Worli Hit And Run Case: वरळी हिट अँड रन प्रकरणात (Worli Hit And Run Case) आरोपी मिहीर शाहानं कबुलीनामा दिला आहे.
Worli Hit And Run Case: मुंबई : वरळी (Worli Accident) हिट अँड रन प्रकरणी (Hit And Run Case) मुख्य आरोपी मिहीर शाह (Mihir Shah) याला मुंबई पोलिसांनी (Mumbai Police) बेड्या ठोकल्या आहेत. त्यासोबतच त्याच्यावर गुन्हाही दाखल करण्यात आला आहे. मिहीरला अटक झाल्यानंतर रात्री उशिरा गुन्हे शाखा 3 मध्ये मिहीरसोबतच आई, दोन बहिणी आणि मित्रांचा जबाब नोंदवण्यात आला आहे.
वरळी हिट अँड रन प्रकरणात (Worli Hit And Run Case) आरोपी मिहीर शाहानं कबुलीनामा दिला आहे. अपघातावेळी गाडी चालवत असल्याची कबुली मिहीर शाहानं मुंबई पोलिसांना दिली आहे. वरळी हिट अँड रन प्रकरणी अटकेनंतर आरोपी मिहीर शाहानं दिलेल्या कबुलीमध्ये, घटनेच्या वेळी तोच गाडी चालवत होता, असं त्यानं सांगितलं आहे. त्यासोबतच मिहीरच्या बहिणीनं या घटनेनंतर आम्ही घाबरलो, आमच्यावर हल्ला होईल, या भितीनं आम्ही घर सोडल्याची माहिती पोलिसांना दिली. मिहीर आणि त्याचं कुटुंब दोन गाड्यांनी शहापूरला गेलं. शहापूरला एका पंजाबी व्यक्तीनं त्यांची शहापूरला राहण्याची व्यवस्था केली. या पंजाबी व्यक्तीचे शाह कुटुंबियाशी जुनं आणि घरचे संबध असल्याची माहितीही पोलिसांनी दिली आहे.
पोलिसांनी आतापर्यंत केलेल्या तपासात अनेक धक्कादायक गोष्टी समोर आल्या आहेत. फरार होण्यापूर्वी आरोपीनं दाढी मुंडवली असल्याचा पोलिसांना संशय आहे. जेणेकरून त्याला ओळखता येणार नाही. आतापर्यंतच्या तपासात पोलिसांना सापडलेल्या कालखंडाच्या आधारे पोलिसांनी आरोपींची चौकशी केली आणि सर्व वेळापत्रकाची पुष्टी केली.
पोलिसांच्या प्राथमिक तपासात आरोपीनं आपणच ड्रायव्हिंग सीटवर बसल्याची कबुली दिली आहे. या घटनेनंतर तो खूप घाबरला आणि त्यांचे वडील राजेश शहा घटनास्थळी पोहोचण्यापूर्वीच तो तेथून निघून गेल्याचं आरोपीनं पोलिसांना दिलेल्या जबाबात म्हटलं आहे. याशिवाय हा मुलगा कुटुंबापासून विभक्त होऊन विरारच्या दिशेने का आला? याचाही तपास पोलीस करणार आहेत. मुख्य आरोपीला आज दुपारी न्यायालयात हजर केलं जाणार असून पुढील तपासासाठी पोलीस आरोपींची कोठडी मागणार आहेत. तसेच, पोलिसांनी आरोपी मिहीरच्या रक्ताचे नमुने घेतले आहेत.
राजेश शाहांची शिवसेनेतून हकालपट्टी
वरळी हिट अँड रन प्रकरणातील आरोपी मिहीर शाहचे वडील, राजेश शाह यांची शिवसेना उपनेतेपदावरून हकालपट्टी करण्यात आली आहे. वरळी हिट अँड रन अपघातानंतर मुख्यमंत्री एकनाथ शिंदे यांनी निर्णय घेतला आहे. एकनाथ शिंदे यांच्या आदेशावरून राजेश शाह यांची शिवसेना उपनेते पदावरून हकालपट्टी करण्यात आली आहे. शिवसेना शिंदे गटात राजेश शाह शिवसेना उपनेते पदावर होते. त्यांचा मुलगा मिहीर शाह यानं भरधाव गाडीनं वरळीत एका महिलेला चिरडल्यानंतर पक्षाकडून त्यांच्यावर कारवाई करण्यात आली आहे.
पाहा व्हिडीओ : Worli Hit And Run Case : आरोपीसोबतच आई, बहीण आणि मित्रांचेही नोंदवले जबाब
महत्त्वाच्या इतर बातम्या :
महत्त्वाच्या बातम्या
