Lata Mangeshkar Memorial: शिवाजी पार्कवरच लतादीदींचं स्मृतीस्थळ बनवा; राम कदमांचं मुख्यमंत्र्यांना पत्र, संजय राऊत म्हणाले...

Lata Mangeshkar Memorial:  भाजपकडून लतादीदींचं स्मारक शिवाजी पार्कवर करावं अशी मागणी केली जात आहे. भाजप आमदार राम कदम यांचं मुख्यमंत्र्यांना पत्र लिहिलं आहे.

sanjay raut ram kadam

Lata Mangeshkar Memorial:  गानसम्राज्ञी भारतरत्न लता मंगेशकर (Lata Mangeshkar) यांचे रविवारी निधन झाले. वयाच्या 92व्या वर्षी त्यांनी अखेरचा श्वास घेतला.  काल त्यांच्यावर शिवाजी पार्कवर (Shivaji Park) अंत्यसंस्कार करण्यात आले. आता भाजपकडून लतादीदींचं स्मारक शिवाजी पार्कवर करावं अशी मागणी केली जात आहे. भाजप आमदार राम कदम (Ram Kadam) यांचं मुख्यमंत्र्यांना पत्र लिहिलं आहे. शिवाजी पार्कवरच लतादीदींचं स्मृतीस्थळ बनवण्याची मागणी राम कदमांनी केली आहे. 

Maharashtra BJP MLA Ram Kadam writes to CM Uddhav Thackeray, requesting a memorial of veteran singer #LataMangeshkar, at Shivaji Park in Mumbai. She was cremated at the park yesterday with full state honours. pic.twitter.com/xkMDIVsJy7

— ANI (@ANI) February 7, 2022

राम कदम यांनी मुख्यमंत्र्यांना लिहिलेल्या पत्रात म्हटलं आहे की, ज्या ठिकाणी लतादीदी पंचतत्वात विलीन झाल्या त्याच ठिकाणी त्यांचं स्मारक बनवावं. जनतेच्या या मागणीची तत्काळ पूर्तता करावी. हे स्थळ जगासाठी एक प्रेरणास्थळ ठरेल, असं राम कदमांनी म्हटलं आहे. 

मागणीची गरज नाही, यावर राजकारण करू नका- संजय राऊत

यावर बोलताना शिवसेनेचे खासदार संजय राऊत (Sanjay Raut) आहे की, लता दीदींनी कधीही विसरता येणार नाही. काहींनी पार्कात स्मारक बनवण्याची मागणी केलीय. मात्र मागणीची गरज नाही, यावर राजकारण करू नका. लता दिदींच्या स्मारकाबाबत देशानं विचार करण्याची गरज आहे, असं ते म्हणाले. 

राऊत म्हणाले की, महिन्याभरापूर्वी लतादीदींचा मला फोन आला होता.  मी अटलजींवर बोलत होतो, ते त्यांनी ऐकलं. अटलजी आमचे दद्दा होते असं त्या मला म्हणाल्या. शाहरुखवर होत असलेल्या टिकेवर बोलताना ते म्हणाले की, शाहरूखच्या कृतीवर उगाच ट्रोल केलं जातंय, एका गटाचे एका परिवाराचे लोकं हे काम करतायत.  हा नालायकपणा आहे, तुम्हाला बाकी काही उद्योग नाहीत. हे लोक देशाची वाट लावतायत असं ते म्हणाले. 

संबंधित इतर बातम्या