Viral Video : रस्त्यावर स्टंटबाजी करणाऱ्या तरुणांना मुंबई पोलिसांनी दाखवला इंगा, रिल्स बनवणाऱ्यांना अद्दल घडवली

सोशल मीडियावर  मुंबईतील छत्रपती शिवाजी महाराज टर्मिनसजवळील सेल्फी पॉईंटवरवर केलेला धोकादायक स्टंट सोशल मीडियावर व्हायरल झाला.  धोकादायक स्टंट करून इन्स्टाग्राम रील करणाऱ्या तरुणावर मुंबई पोलिसांनी कारवाई केली. 

Insta Reel

Source : Insta Reel

Mumbai News: आजच्या सोशल मीडियाच्या जागात फेमस होण्यासाठी अनेक जण आपल्या जीवाची बाजी लावतात. सोशल मीडियावर (Social Media) आपल्या रीलला (Instagram Reel)  फोटोला लाईक आणि कमेंट मिळवण्यासाठी ते आपल्या जीवाची पर्वा न करता अतरंगी प्रयोग करतात. कधी कधी आपण करत असलेला स्टंट आपल्या जीवावर बेतू शकतो किंवा आपला जीव घेऊ शकतो यांचा अंदाज तरूणाईला नसल्याचं चित्र वारंवार आपल्याला दिसून येतं. अशा तरुणांना अद्दल घडवण्यासाठी आता  मुंबई पोलीसांनी कडक पावले उचलली असून कडक कारवाई करण्यास सुरुवात केली आहे.  

सोशल मीडियावर  मुंबईतील छत्रपती शिवाजी महाराज टर्मिनसजवळील सेल्फी पॉईंटवरवर केलेला धोकादायक स्टंट सोशल मीडियावर व्हायरल झाला.  धोकादायक स्टंट करून इन्स्टाग्राम रील करणाऱ्या तरुणावर मुंबई पोलिसांनी कारवाई केली.  एका अधिकाऱ्याने दिलेल्या माहितीनुसार, 4 जून 2024 रोजी पहाटे 3 ते  4  या  वेळेत  चर्चगेट एमके रोड, सेल्फी पॉइंट, सीएसटी जंक्शन, गोल मशीद, मेट्रो जंक्शन परिसरात सायकल आणि भाड्याने घेतलेल्या टॅक्सी वापरून स्टंट करण्यात आला होता आणि त्याचा एक रील केला होता. हा रील सोशल मीडियावर अपलोड करण्यात आला होता. 

मेहुलचे दोन लाखांहून अधिक फॉलोअर्स

सोशल मीडियावर व्हायरल  होणाऱ्या रीलमधील तरुणाचा शोध मुंबई पोलिसांनी  केला.  या रीलच्या संदर्भात मुंबई पोलीस कायद्यांतर्गत स्टंटबाजी करणाऱ्या 20 वर्षीय तरुण मेहुल पालजी चरणियावर मुंबई पोलीसांनी कारवाई  केली. मेहुल हा मुंबईतील चेंबूर भागातील रहिवासी आहे. इंस्टाग्रामवर त्याचे दोन लाखांहून अधिक फॉलोअर्स आहेत.

व्हिडीओमध्ये स्टंट करणारे मित्र उत्तराखंडमध्ये 

चौकशीदरम्यान मेहुलने सांगितले की, त्या व्हिडीओमध्ये  स्टंट करणरे हे त्याचे मित्र आहेत.  त्यातील अमन सुरेश सिंग बिस्त हा  अंधेरीचा रहिवासी आहे. जय राजेश गुप्ता हा गोरेगावचा  विवेक रामचंद्र मोरया हा अंधेरीचा रहिवासी असून, तिघेही सध्या उत्तराखंडमध्ये आहेत.  पोलीसांनी ताब्यात घेतल्यानंतर  मेहुलने पोलिसांसमोर एका  व्हिडीओ बनवला आहे. या व्हिडीओमध्ये मेहुलने जीवावर स्टंट बेतू शकतात त्यामुळे तुम्ही असे स्टंट करू नका असे म्हटले आहे.   

मिनिटांच्या रिलसाठी जीव धोक्यात  

सोशल मीडियावर झटपट प्रसिद्धी मिळवण्यासाठी  रिल्स केली जातात.   मात्र यामुळे पालकांची झोप उडाली आहे.  प्रत्येक दुनियेचं एक पॅशन असतं. सध्याच्या जगाचं पॅशन सोशल मीडिया झालंय. सोशल मीडियाने क्रिएटिव्हिटीला वाव दिला. मात्र याच सोशल मीडियाने रिल्सनाही जन्म दिलाय. अवघ्या मिनिटांत तुमची क्रिएटिव्हिटी दाखवण्याची संधी मिळाली. मात्र उत्तम काही सादर करण्याऐवजी स्टंटबाजी करून स्वतःचे आणि दुसऱ्यांचे  प्राण धोक्यात घालणाऱ्यांची संख्या जास्त झालीय. मिनिटांच्या रिलसाठी जीव धोक्यात  घालणारे हे विसरतात की जरा काही बिघडलं तर ते आपल्या जीवावर बेतू शकते. असे प्रयत्न अनेकांच्या जिव्हारी बेतल्याच्या बातम्याही आपण ऐकल्या आण पाहिल्या असती. तरीही अशा परिस्थितीत व्हिडीओ किंवा रिल्स बनवण्याचा मोह अनेकांना आवरता येत नाही. 

हे ही वाचा :